Mapinda 5:19 - Amazwi Yakwe Leza 2013

¹⁹ Wene wenga sile ali musuma wakwe kampombo, amayele yakwe antutu yamakuzanzyanga pe. Ucisotwe wakwe utalatala usufuke manda pe, usuma wakwe umalyompelelangako wa kanyama kanone.

Mapinda 5:19 ပူးပေါင်းရင်းမြစ်များ

2 Samueli 12:4

“Uwanda umwi umwenyi wizile ku ng'anda ya mukama. Nga umukama atalondanga ukufyula imfwele nanti ing'ombe yonga iyakuti aimule umwenyi wakwe wilya. Lelo wene atolela umupina akana ka mfwele akamusesi nga akomela umwenyi wakwe akano amwimula.”

Mapinda 5:15

We, sule uwaimwela amanzi umu cifula cako we mweneco, kuli kuti uye wacumi ku wako amanda pe.

Mapinda 5:20

We mwanane, uzye apacani cino wemo ungalyongofiwa nu mwanaci cizelele? Ungakumbatila uli umwanaci asi wako?

Lwimbo lwakwe Solomoni 2:17

Welulukila kunondi, we mukundwe wane, lino umuza wapa macaca utali ukatuke, lino ni mfinzi itali iyanduluke. Pakwiza utampoke wakwe mpombo nanti wakwe taala apa myamba pano pakamela maluwa ya mununko usuma.

Lwimbo lwakwe Solomoni 2:9

Mukundwe wane ali wakwe nyinanswela nanti wakwe mwana taala. Ala awiyo wimilila kuko umu mbali ya lung'umba lwitu, akusungamila mu mawindo, akusungamila nu mu nzota kwene.

Lwimbo lwakwe Solomoni 4:5

Amayele yako yali wakwe yampombo yaili, wakwe tumpundu twa misesi yakwe yampombo utukulya umulemvwe mu maluwa.

Lwimbo lwakwe Solomoni 7:3

Amayele yako yakuloleka wakwe yacisongo yaili, wa twana twa nswela, tumpundu.

Lwimbo lwakwe Solomoni 8:14

Pitisya ndanga we mukundwe wane, na pakwiza watampoka wakwe mpombo, nanti wakwe taala pa myamba apakamela vyamununko usuma.