Mapinda 4:9 - Amazwi Yakwe Leza 2013

⁹ Yamakuzwika ingala iyembe uku mutwe wako, nu kukupeela inkata ya ucindami.”

Mapinda 4:9 ပူးပေါင်းရင်းမြစ်များ

1 Yamwene 3:13

Nupya na vino utalenzile kwene namakupeela. Ukama nu ucindami uwakuti umu umi wako onsi kuli yamwene kutalatala kuye uwa kulingana nawe.

Mapinda 1:9

Pano amasunde yao yalakuyemvya nu kusenula imiyele yako iye isuma, uce ucindame ungati icisote cawene nanti ciukasi cakuzwala umu nsingo.

Mapinda 14:18

Imbutuma zikapelwa iviine nu welewele waziko, acenjele yene yakapelwa amaka akumanya.

Mapinda 16:31

Ukumela imvwi icilongwe cimwi icaucindami, cino cikazanwa umu nzila zya ulungami.

Mapinda 3:22

Ivintu vii vilalenga kuti uwaikala uwikalo usuma nupya uwaluzango.

Mapinda 4:10

Uvwa kuno mwanane, pokelela amazwi yane, ndi wacita cico amanda yako yalavula pano nsi.

Ezaya 28:5

Mu wanda ulya Yawe Wamaka yonsi ali wino ali nu kwiza ungati ali ni cingala ca maluwa, nupya uwa lulumbi, uwakuti antu yakwe yano yakupusuka yakwatilepo akameko.

1 Petulo 3:4

Lelo kuyemba kwinu kulinzile kuya ukwa mukasi kinu, ukwa kukwata myenzo ifuke nupya itekele manda pe. Pa manso yakwe Leza cii icili campomvu kuluta.

1 Petulo 5:4

Lyene lino Klistu, Kacema mukalamba aliiza, mwemo mulapelwa ingala ya lulumbi ino italatala iponzye kuyemba kwakweyo.

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.