Mapinda 30:4 - Amazwi Yakwe Leza 2013

⁴ Uzye aweni uwatala wakwela ukwiyulu, alino nupya awelako? Uzye aweni uwatala wafumbatapo umuza? Uzye aweni uwatala wanyepa amanzi umu nsalu yakwe? Uzye aweni uwatesile impela ya nsi? Uzye wiyo, Izina lyakwe aweni, nupya amwana weni? Acino londolola ndu manyile!

Mapinda 30:4 ပူးပေါင်းရင်းမြစ်များ

Utandiko 32:29

Yakobo ati, “Nakupapata nena izina lyako, uzye weweni?” Nawe auzya ati, “Uzye pacani cino wanguzizya izina?” Lyene papo kwene apolelela Yakobo.

Yobo 11:7

“Uzye kwene we Yobo ungapikulula uwile wakwe Leza? Uzye kwene papo pano upezile wewe ungamanya ningo pano amano yakwe Leza Wamaka yonsi yapeela?

Yobo 11:8

Ala amano yakwe Leza yatalimpa ukuluta na papela yi yulu, papo pano wemo utangafika penepo. Yazika ukuluta nu kumbo, uku cifulo ca afwe. Wemo ungaposiwa ukufika kweneko.

Yobo 26:8

Wika amanzi avule umu makumbi. Wasunga amanzi yayo anyome cakuti yatange yituluke pamulandu wa kunyoma kuno yakwata.

Masamu 135:7

Akaleta amakumbi ukufuma uku mpela yonsi, alenga ni nkuwa ukupangalansya, nga aleta ni cimuza ukufuma umu nkoma zyakwe.

Masamu 2:7

Caleka umwene wiyo akuti, “Nkuma imbila ino Yawe wanenyile, ati, ‘Wewe uli mwana wane umonsi, Nani ilelo nayaso.

Masamu 22:27

Antu amu nko zyonsi yalaiusya Yawe nu kuweluluka yalaweluluka kunoli. Ni misango ya antu yonsi yalamupepa.

Masamu 24:2

Pano wene waipanzile pa matenga yakwe yemba apisika ya nsi, nu mufula wakweyo apisika ya matenga yakwe yayemba.

Masamu 68:18

Akwela na papelapela apasamuke, ala asenzile na azya yano yalemile. Ala akupokelela ivya mawila uku antu yauze kumwi na yacisanguka kwene. Fwandi papo kwene, apano Yawe amaikalanga amanda yonsi.

Kufuma 15:10

Lelo we Yawe uputa umupu lyonga sile na aina Eguputo yamwela, iyatuwila yatotomela ngati mutovwe yaya pansi pansi.

Kufuma 6:3

Nalolike kuli Abulaamu, kuli Isaki, na kuli Yakobo wakwe Leza Wamaka yonsi. Lelo ntalenzile kuti imanyike kunoyali mwi zina lyane lyamuzilo, Yawe.

Ezaya 45:18

Pano avino Yawe wavwanga, wiyo uwaumvile amayulu, wene ali Leza uwetetwile nu kupanga insi ya pano pansi. Wene uwaipanzile nupya ataiumbile apakuti mutaya kantu nanti kamwi, lelo kuti iye incende umwakwikala antu. Wene wavwanga wati, “Nene indi Yawe, kutaya namuze awe.

Ezaya 53:8

Yamulemile sile nu kumupingwila ukufwa, ukwaula nanti umwi uwakumuvwangila. Yamukomile pa maifyo itu.

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Yelemiya 23:6

Umu manda yakwe akuteeka, antu amu Yuda yalacingililwa, nga na antu amu Yelusalemu yalikala mu mutende. Wene alaamwa ukuti, ‘Yawe ali ololoke witu’.

Mateo 11:27

“Tata wampeela vintu vyonsi. Pasi nanti wenga uwamanya Mwana suka sile Tata, nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.

Luka 10:22

“Tata, wampeela vintu vyonsi. Pasi nanti wenga uwamanya Mwana suka sile Tata. Nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.”

Yoane 3:13

Pasi umuntu watala wakwela kwiyulu, suka sile Mwana wa Muntu wino uwisile kufuma kwiyulu.”

Loma 10:6

Lelo vino calembwa mu malembelo pamulandu wakuya aololoke pa manso yakwe Leza, kupitila mu utailo aivi, “Utayuzya mu mwenzo uti, uzye aweni alakwela kwiyulu?” Kuli kuti ku kunena Klistu kuti aike.

Malango 28:58

“Ndi mulakana ukuyela ningo amasambilizyo yakwe Leza yano yalembwa mu lupapulo luu, nupya ndi mwakana ukucindika izina ilyalulumbi nupya ilyakoofya lyakwe Yawe Leza winu,

Malango 30:12

Lyene lisi umupela umwiyulu cakuti mungalanda muti, ‘Uzye aweni amakwela kuti akatuletele pano pansi kuti tulyuvwe nu kuliyela?’

Umbwilo 19:12

Manso yakwe yakoline wa cimbilimbili ca moto, nupya wene wazwite ngala zingi zya wene ku mutwe. Wene wakweti zina lino lyalemvilwe panoli. Lelo kusi umwi uwalimanya suka umwisikulu.

Yakapingula 13:18

Umungeli wakwe Yawe aasuka ati, “Uzye pacani cino ukunguzizya izina lyane? Izina lii, ilya cipezya amano.”