Mapinda 30:2 - Amazwi Yakwe Leza 2013

² Endi, nemo ntakweti amano ukuluta antu yonsi. Nemo insi na mano wa antu yanji.

Mapinda 30:2 ပူးပေါင်းရင်းမြစ်များ

Masamu 49:10

Uzye wene asiilolela kuno antu yamano nayo kwene yakufwa, wakwe vino ivipuwa ni viwelewele vikafwa, iyasya ni vyuma vyao kuli yauze?

Masamu 73:22

Ata see, cali sile ukutumpa kwane, nga nu kuntiluka ukwa vintu. Apa manso yako nayanga wa nyama ya mpanga.

Masamu 92:6

Icintu cimwi cino iciwelewele caposiwa ukwiluka aeci,

Mapinda 12:1

Umuntu uwatemwa malango wene akalondesya ukumanya ivintu vya mano, lelo uwapata ukusundwa wene watumpa

Mapinda 30:1

Ya ali mapinda yakwe Aguli, umwana umonsi wakwe Yake, amazwi ya usemo: Umuntu anena Itieli ati, “We Leza, nemo natonta. We Leza, nemo natonta, naongoka.

Mapinda 5:12

Lilyo kwene ulailizyanya uti, “Kalanda kasikolo! Silolini vino nemo nakanyile ukusundwa! Umwenzo wane watalamile ukulungikwa!

Ezaya 6:5

Nga alino nani ne Ezaya imvwanga inti, “Kalanda kunondi! Awe icumi ilelo lyene ali mpela yane! Pano kwene amazwi yonsi yano nkalanda yangaya aipe, nupya nikala na antu ya mazwi akanyengula umwenzo. Ilelo lyene casila nafwa, pano lyene nailolela na manso yane Yawe Wamaka yonsi.”

Yelemiya 10:14

Cico cikapezya antu amano, yaposiwa nu kucuvwa. Yayo akapanga utuluwi yakalemwa insonyi. Utuluwi twao utwaufi nupya tutakwata umi.

Loma 11:25

Kuli nkama ya cumi, inane, ino nkasi mumanye kuti mutize mwaelenganya ukuti mwemwe yamano. Inkama iyakuti, ukukoma kwa myenzo ya ina Izlaeli kusi kwa manda pe, lelo kulatwalilila kufika pa nsita ino Akulukuwa yonsi asolwa iiza kuli Leza.

1 Kolinto 3:18

Muntu nanti umwi ataitumpika. Umwi uwa munomuli ndi akwelenganya vino uwa mano kulingana ni vintu vya muno nsi, nkolelo alinzile aye wa muwelewele, pakuti mucumi aye uwa mano.

1 Kolinto 8:2

Wino wensi akaelenganya vino wamanya cimwi, mucumi wene atamanya ndi vino alinzile kumanya.

Yakobo 1:5

Lelo ndi umwi uwa munomuli ulilwa mano, wene alinzile kulenga Leza, nga nawe alamupeela, pano Leza akapeela kuli yonsi kwaula kasoozi.