Mapinda 3:7 - Amazwi Yakwe Leza 2013

⁷ Utaezya ukwelenganya ukuti wacenjela ukuluta pali vino waya, wemo uwakwatila Yawe icoopo, uwaleuka iviipe.

Mapinda 3:7 ပူးပေါင်းရင်းမြစ်များ

2 Samueli 12:20

Lyene Davidi akatuka pansi, aya mu kufulala, asakula ni nyele zyakwe ningo, nga azwala ni vyakuzwala vyuze. Alino aya ku ng'anda yakwe Yawe atandika nu kupepa. Lino waweluluka ukwi sano ukwakwe, alenga icakulya nga zuwazuwa lino yamwimula alya nu kulya.

Neemiya 5:15

Lelo alasi ankolelile yacuzyanga antu. Yapokololanga antu ivyakulya na waini ukwika penepo ni mpiya zyakwe siluva, anganyoma ukulingana na citika wakwe kilogalamu. Alino na aomvi yao kwene yatesile antu ukukalili. Nemo palwane intatazile incite icamusango ndi uo, apamulandu nu koopa Leza wane.

Yobo 1:1

Mu mpanga ya Uzi mwikalanga umuntu umwi wino izina lyakwe wali a Yobo. Umuntu wi wali uwaula umulandu nupya akacita ivisuma. Umuntu wi woopanga Leza nu kuleuka inkota.

Yobo 28:28

Fwandi lyene ali vino wanenyile nu muntunze ukuti, ukuya ni coopo kuli Leza ali kukwata amano, nu kufuntuka uku kucita iviipe, ali kwiluka.”

Kufuma 20:20

Lelo Mose aasuka ati, “Mutuvwa intete. Leza wataiza sile kuti amwezye nu kulenga kuti mwamoopa, pakuti mutaifya.”

Mapinda 14:16

Umuntu wa mano akaopa Yawe nu kufuntuka uku uyi, lelo iciwelewele cene cazenzemba nupya caitazyela.

Mapinda 14:27

Ukoopa Yawe ili ntendekelo ya umi, ino ikalenga ukupambata iviteyo vya mfwa.

Mapinda 16:6

Uluse ni cumi vikalipila apa maifyo. Ukoopa Yawe kukafuntusya uku uyi.

Mapinda 23:4

Utaivunola apakulonda ukama. Ndi cakuti wewe wa mano suulako sile.

Mapinda 26:12

Uzye watala walola umuntu akaitunga ukuya uwa mano? Fwandi umu ciwelewele mwene calusya.

Mapinda 26:5

Uwaasuka iciwelewele ukulingana na muno uwelewele wakweco wayela, apakuti citaitunga ukuya icamano.

Mapinda 28:11

Uwa vyuma angaitunga ukuya uwa mano, lelo umupina umucenjele angamumanya.

Mapinda 28:26

Wiyo uwataila umu mano yakwe umweneco, wene iciwelewele. Lelo wiyo akalondela ivya antu yamano, alapusuka.

Mapinda 8:13

Icoopo kuli Yawe kuli kupata uyi. Napata icilumba, imitumfyo, imiyele iipe ni ntumpu.

Kasambilizya 12:13

Fwandi vyonsi vyativyuvwika. Izwi lyakumalilila umulandu aili: uwaoopa Leza nu kuyela amasunde yakwe, pano acino antunze yaumbilwe.

Ezaya 5:21

Kalanda kuno muli mwemuno mukailola ukuti mwakwata amano nu kuti mwacenjela wakwe cimwi!

Loma 11:25

Kuli nkama ya cumi, inane, ino nkasi mumanye kuti mutize mwaelenganya ukuti mwemwe yamano. Inkama iyakuti, ukukoma kwa myenzo ya ina Izlaeli kusi kwa manda pe, lelo kulatwalilila kufika pa nsita ino Akulukuwa yonsi asolwa iiza kuli Leza.

Loma 12:16

Mwasakamalana, mutaitumika lelo mwazumila ukuombela na antu yasilesile. Mutailola kuya a mano.