Mapinda 3:25 - Amazwi Yakwe Leza 2013

²⁵ Wemo utalaoopa amasyamo yano yakapumikizya antu, nanti yano yakaponela antu aipe.

Mapinda 3:25 ပူးပေါင်းရင်းမြစ်များ

Masamu 112:7

Asioopa nanti panono ndi cakuti yamwikwila isyamo. Wene waya umuposye apamulandu sile uwakutaila muli Yawe.

Masamu 73:19

Yakapongelela sile ukwaula nu kusumba akasita. Ee mwandi ali kupezya, yakaifwila sile uku ntete!

Masamu 91:5

Usiku, kusi nanti cimwi cino umaopanga, nanti kusi ivyakukupumikizya umukasanya.

Mapinda 1:27

Iino intete zilamwizila wa cipupu ni syamo wakwe nkungulupya, na lino amacuzi na masakamiko viliza kuno muli.

Ezaya 54:14

Ulakuulilwa apa ulungi, ulacingililwa nu ku ntazi. Utalatala uvwe intete. Yalakucingilila kuli vyonsi ivingakoofya. Vitalakupalama foo.

Mika 4:4

Lelo umuntu ali wensi alaikalila mu mutende apakasi ka mitingi ni misamvu yakwe. Kusi nanti umwi alayoofya, pano Yawe Wamaka yonsi uwatavwanga vintu vii.

Zakaliya 9:8

Ndikala mu pipi ni ng'anda yane nga kalinda, wiyo wino akalesya ntalanganyi. Umwene mukakate atalatala azunye antu yane, pano nemo ndayawaka.

Mateo 24:15

“Mulalola ‘Ca winyi ca ononyi’ cino kasema Danieli wavwanzile, cimilila mu Ng'anda ikulu yakwe Leza.” (Kawelenga ailuke vino ci cikusenula.)

Mateo 24:6

Muluvwa inkondo ni mpupilizi zya nkondo kutali, lelo mutakasakamale. Vintu vii vilinzile kucitika, lelo visikulanga ukuti mpelelekezyo yatifika.

Mako 4:40

Alino Yesu auzya alondezi ati, “Uzye pacani muvwa intete? Uzye na ndakai musi na utailo?”

Luka 21:9

Lino muluvwa nkondo nga ni mpanzela, mutakasakamale. Vintu vii vilinzile kucitika nkolelo, lelo italaya ili mpelelekezyo.”

Yoane 14:1

Yesu anena alondezi yakwe ati, “Mutaleka myenzo inu yaaziwa. Tailini Leza, mutaile nani kwene.

1 Petulo 3:14

Lelo muli nu longo nanti mungacula pamulandu wakucita visuma! Mutoopa umuntu umwi, nupya mutasakamikwa.