Mapinda 28:4 - Amazwi Yakwe Leza 2013

⁴ Wiyo akatazyela amasunde waya uku lusansa lwa antu aipe. Lelo wiyo akalondela amasunde akayakanya.

Mapinda 28:4 ပူးပေါင်းရင်းမြစ်များ

1 Yamwene 18:18

Eliya nawe aasuka ati, “Nemo insi umuntu kacita wa vimvulunganya ku ina Izlaeli. Lelo wemo pamwi na ang'anda yakwe so, mwemwe mukacita vivyo. Mwemo mwafutatila amalamulo yakwe Yawe nu kulondela Tubaali.

1 Yamwene 18:21

Eliya pali pakupalamila ku antu yaya yonsi nga ayanena ati, “Uzye alilaci lino mulelenganya vino muli nu kucita? Ndi cakuti Yawe ali Leza winu, fwandi ali wino mwapepa! Lelo ndi cakuti Baali ali leza winu, fwandi ali wino mwapepa!” Lelo antu yatavwanzile nanti izwi lyonga.

Neemiya 13:15

Pa nsita kwene ilya nga ndola antu mu mpanga yakwe Yuda yakuponda nu kufena amatingi pa Sabata. Nga na yamwi ala yakukolonganika nu kutulika ingano mu mitumba ala yakuomvya yapunda. Yamwi nayo ala yakusenda waini, matingi, misamvu, alino ni viya vya misango misango, ala yakuleta ku Yelusalemu pa wanda wi Sabata kwene. Alino njakalipila kuti yataezya kukazya vyakulya pa Sabata.

Neemiya 13:28

Wenga uwamu ana aonsi yakwe Yeoyada, umwana umonsi wakwe Elyasyibu Simapepo Mukulu wilya, walanga watwala umwana wakwe Sanibalati waku Holoni. Acino namuzinzile nu kumufumya mu Yelusalemu.

Masamu 10:3

Umwipe akuituumika apa lunkumbwa lwakwe, Umupunuke akutuka nu kuzewanya Yawe.

Masamu 49:18

Nanti sile lino wali pano nsi nu kuilola wa mupolelelwe, na antu ala yakumulumbanya apa ucindami wakwe,

Yelemiya 5:30

Ivintu vimwi vyakuzunguka nupya vyakoopa, ali vino vikucitika umu mpanga.

Mateo 14:4

Pano Yoane wanenanga mwene Helodi ati, “Citaine ni sunde kutwala Helodia!”

Mateo 3:15

Lelo Yesu amunena ati, “Ndakai leka cicitike vikwene, pano catuzipila kuti tucite ivyawololoke vyonsi vino Leza akalonda.” Alino Yoane azumila.

Mateo 3:7

Lelo lino walola Afaliseo na Asaduki aingi yakwiza kuno wawatizyanga, ayanena ati, “Mwe ana ya nzoka mwe! Uzye aweni uwamucelula kuti muutuke ukali wakwe Leza uno ukwiza?

Milimo 12:22

Lyene antu yasanzika mazwi yati, “Asi umuntu akuvwanga, lelo a Leza!”

Milimo 15:2

Lyene Paulo na Banaba yapusana na antu yaa, yaikana ni vikanza cuze pamulandu uu, alino iuvi lipingula kuti Paulo na Banaba nayauze mwi uvi yaye ku Yelusalemu yakalole atumwa na ikolo pamulandu uu.

Milimo 19:9

Lelo yamwi yali akome myenzo, yakana ukutaila, yavwanga viipe pamulandu na mazwi ya Mwene pa manso ya antu onsi. Paulo ayasya apita pamwi na alondezi yaya, nga cila wanda ala yakukomana nu kulanzyanya mwi sukulu lyakwe Tilano.

Loma 1:32

Nanti angala yamanya vino Leza wapingula ukuti antu akacita vii yalinzile ukufwa, lelo ala yakutwalilila kuvicita, yalundapo nu kukomelezya yao akavicita.

Efeso 5:11

Mutaya nu utandano na yakacita ya milimo yamu mfinzi. Lelo mu cifulo cakwe cii mulinzile kuleta milimo iyo ku luswepo.

1 Tesalonika 2:2

Mumanyile vino antu yatucuzizye nu kututuka mu musumba wa Filipi lino tutali twize kuno muli ku Tesalonika. Lelo Leza watukomelizye cuze kuti tukosole Ilandwe Lisuma kunomuli lya pali aliwe, nanti angala antu yatulwisizye cuze.

1 Yoane 4:5

Yakasema yaufi yene yakalanda pa vintu vyamu nsi nga na antu amu nsi yakayuvwa pano yene amu nsi.

Yuda 1:3

Mwe yacuza yane akundwe, nalondesyanga kumulembela pa vya ufyusi uno swensi twakumako. Lelo pandakai calondekwa kuti mulembele kuti imukomelezye kutwalilila mu ulwi wa kucingilila utailo uno Leza wapela ku antu yakwe.