Mapinda 27:8 - Amazwi Yakwe Leza 2013

⁸ Umuntu akazeuluka nu kusya icifulo cakwe wakolana ni cunyi, icikazeuluka icisya icinsanzo cakweco.

Mapinda 27:8 ပူးပေါင်းရင်းမြစ်များ

Utandiko 21:14

Lino waca katondo Abulaamu apeela Haga ivyakulya nu lufinga luzile amanzi, amutwika nu kumupapika umwana, nga amuzinga. Alino Haga apita afuma akululumba mu Lwanga lwa Belisyeba.

Utandiko 4:16

Lyene Kaini afuma ku manso yakwe Yawe aya aikala mu mpanga ya Nodi, ku ufumondaka wa calo ca Edeni.

1 Yamwene 11:22

Lelo Falao amunena ati, “Uzye icani cino uulizya kuno kumwitu icingalenga kuti uswilile ku mpanga yakumwinu?” Hadadi nawe aasuka umwene ati, “Awe kusi cimwi. Lelo nzumilizya sile mpite!”

1 Yamwene 19:9

Lino wafika ku Mwamba wa Sinai, Eliya alala kuku kwene mwi cele. Alino Yawe alanda kunoli ati, “Uzye icani cino ukulonda kuno, we Eliya?”

Mapinda 21:16

Wiyo asilonda kulondela inzila zya kuvwana, wene alapuuza mwi umba lya kuzimo.

Mapinda 26:2

Vino katiti kakapontomoka na kamimbi nako ikafuma ikapapuka, ali vino ni ntipu zino yakatipwila umuntu wakaele, zitalatala zimulematile.

Mapinda 27:7

Umuntu aikwite akaswa ni lela lyakwe nacisenga, lelo wiyo ali ni nzala, kunoli ni cilule consi kwene cikalyompa.

Ezaya 16:2

Lyene yalolele apa vituntu vya luzi lwa Alinoni, nu kupitana wa vyunyi vino iyasambulwila ivinsanzo.

Yona 1:3

Lelo Yona autuka ukufuma ukwali Yawe nga alungama ku Tasyisyi. Alino atentemukila ku Yopa, kuno waile azana icombo icali palwendo lwakuya ku Tasyisyi. Lyene akala itikiti nga akwela mu combo cici, alino apita kulungama ku Tasyisyi kuti autuke Yawe.

1 Kolinto 7:20

Cila muntu alinzile kwikala mu umi uno wali nao lino wazumile lwamo lwakwe Leza.

Yuda 1:13

Yakolana na maimbi yamaka apali yemba, ni vicitwa vyao vyansonyi vikaloleka wa kufuluma kwi tomvu. Yakolana ni ntanda zikazeuluka. Antu yaa, Leza wayateyanyizizya icifulo ca mfinzi ikomesye iyape.

1 Samueli 22:5

Alino Gadi kasema wakwe Yawe anena Davidi ati, “Utanga uwaikala ukwi cele foo. Awe cakana sana. Pitanga uye ukikale mu mpanga ya ina Yuda. Davidi pali pakufuma kweneko aya mu mutengo uwaku Heleti.”