Mapinda 27:22 - Amazwi Yakwe Leza 2013

²² Nanti sile wapondenkanya iciwelewele na cisaka umu cina, uwelewele wakweco utangafuma.

Mapinda 27:22 ပူးပေါင်းရင်းမြစ်များ

Yelemiya 5:3

Cumi kwene Yawe akalolekesya pa vyacumi. Wene wamuzanzile, lelo mwemo mutuvwile ukali. Wene wamusyunozile, lelo mwakanyile ukusambililapo cimwi. Mwemo mwakoma imitwe ukuluta iwe nga nupya mwakana nu kuzenzuka.

Mapinda 23:35

Lilyo ale akuzamboka akuti, “Yatiyanguma uluma, lelo cisikuwaya! Yatiyantimbola, lelo nsikuvwa ukuwaya nanti kumwi! Uzye alilaci lino namakatuka? Nkweti insuna yakumwa waini namuze.”

Ezaya 1:5

Uzye apacani cino mwala mwakomapo ukumusangukila? Uzye manye mukulonda sile kuti acizye penepo uku mufulula? Pano uku mitwe inu kuziile ivilonda vitupu. Imyenzo inu nayo yatoteka.

Kufuma 12:30

Usiku pakasi Falao, yacilolo yakwe na antu yonsi aina Eguputo iyazyuka. Antu yonsi aina Eguputo yakatusya impoma, pamulandu wakuti mu ng'anda yonsi mwali icitumbi ca mwana umonsi iyeli.

Kufuma 14:5

Lino umwene waku Eguputo uvwa ukuti aina Izlaeli yatiyapuuka, Falao pamwi na yacilolo yakwe yasenula amano yavwanga yati, “Uzye vino twacita asi kuli kutumpa? Twaleka aina Izlaeli yapuuka, na azya yaa tutalatala tuyalole nupya!”

Kufuma 15:9

Umwanisi wako aisomba ati, ‘Namayalondelela lunkwalunkwa nu kuyalema. Namaankanya icuma cao, nu kutoola vyonsi vino nkulonda. Namasomola lupanga lwane nu kusenda vyonsi vino yakwata,’

Mapinda 26:11

Iciwelewele cikaswilila uku uyunganyi wakwe vino simbwa akaswilila uku malusi yakwe.

Yelemiya 13:23

Uzye umwina Kusyi angasenula inkanda yakwe? Nanti uzye inangu ingasenula amaala yakweyo? Ndi cingaya vivyo ale lyene namwe kwene mwemuno mwikalila ukucita vya winyi mungata ukucita iviipe mutandike nu kucita visuma.

1 Samueli 19:21

Lino yanena Saulo icintu cii, nawe atuma antu nayauze, nga nayo kwene iyasema. Nga lino Saulo watuma antu nayauze iila lyakwe citatu, nayo kwene iyasema.

1 Yamwene 13:33

Pacisila ca milandu yonsi iyo, Yeloboamu umwene waku Izlaeli atatiile imisango yakwe iipe. Wene watwalilile ukwika na antu pali usimapepo apa ncende zino yakapepela mwenemo, yao atalinzile. Wensi wino umweneco watemwa amupeela usimapepo wa pa kavuwa.

Mapinda 14:24

Antu ya mano yakalambulwa icuma, lelo iviwelewele vikamanyikwa ku uwelewele wakwevyo.