Mapinda 27:11 - Amazwi Yakwe Leza 2013

¹¹ Mwanane, uye na mano, pakuti uzanzye umwenzo wane, pakuti ningakwata insambu zya kwasuka wensi wino anganzewanya.

Mapinda 27:11 ပူးပေါင်းရင်းမြစ်များ

Masamu 119:42

Lyene ndaasuka yayo akandandaula, pano nataila umu mazwi yako.

Masamu 2:10

Caleka, lyene mwe yamwene, ilukini. Cenjelini mwe yakateeka ya muno nsi.

Mapinda 10:1

Amapinda yakwe Solomoni: Umwana wa mano akazanzya isi, lelo umwana iciwelewele wene waya izewanya kuli nyina.

Mapinda 15:20

Umwana wa mano akasansamusya isi, lelo iciwelewele cikasuula nyina.

Mapinda 26:16

Umuntu umukasu akaitunga ukuya umucenjele ukuluta napa antu cinimbali yano yangaasuka ningo lino yakwelenganya ivyamano.

Mapinda 27:12

Uwamano ndi walola ingofyo, akafisama, lelo iciwelewele cene cikapitapo sile nga cipeziwa ningo.

Mapinda 29:3

Umuntu wino watemwa amano akazanzya isi. Lelo wiyo akapita na anaci yacizelele, wene akasansanta sile ivyuma vyakwe.

Filimoni 1:7

We mwinane mukundwe, kutemwa kuno wakwata kwatuletela luzango lukulu nu ukomelezyo cuze! Wemo wasansamusya myenzo ya antu yakwe Leza onsi.

2 Yoane 1:4

Nali nu luzango cuze pa kuzana ukuti ana yako yamwi yakayela nu kulondela cumi wakwe vino Tata watupeela ilamulo.