Mapinda 24:9 - Amazwi Yakwe Leza 2013

⁹ Iciwelewele ca muntu cikaelenganya sile ivya maifyo, uwa mitumfyo, akapatikwa uku antu.

Mapinda 24:9 ပူးပေါင်းရင်းမြစ်များ

Utandiko 6:5

Lino Yawe walola vino inkota zya antu zyavulisya na vino ukwelenganya kwao lyonsi kwaya ukwipe,

Utandiko 8:21

Lyene lino Yawe wanunsya umununko, nga umwisikulu avwanga ati, “Ntalatala ntipe insi nupya, pamulandu wa vicitwa vya muntu. Amelenganyo ya antu yaya ankota ukufuma ku civyalilwa. Ntalonona insi ni vyaumi vyonsi nupya, wakwe vino natincita.”

Masamu 119:113

Napata yayo andimi ziili kunuli, lelo natemwa amasunde inu.

Mapinda 21:24

Umuntu akaitutumula, uwa mitumfyo, ni zina lyakwe a “Moopo.” Ivicitwa vyakwe ivya cilumba icikalamba.

Mapinda 22:10

Zinga uwa mitumfyo, nu lwete ala lwasila. Ivikanza ni ntusi ala vya myalala.

Mapinda 23:7

Limwi angakwama ati, “Iza kuno ndulye, nu kumwa kweneko.” Fwandi umu mwenzo wakwe ala muli kamwi akakumukolola.

Mapinda 24:8

Umuntu akapangila ukucita iviipe, yakamwama wakwe kalulete.

Mapinda 29:8

Antu amisowe yakakatusya ulwete umu musumba, lelo antu yamano yene yakatekezya icipyu.

Mapinda 9:7

Wino wensi akalungika umuntu wa mitumfyo, akatukilwapo sile, na wino wensi akakalipila umuntu mwipe, ala wailetelela sile.

Ezaya 55:7

Umwipe ate imisango yakwe, ni ntalanganyi nayo amapange yakweyo. Kayale sile yasenukile kuli Yawe, ukuti ayelele uluse, kuti Leza witu nawe alayelela cuze.

Yelemiya 4:14

“We Yelusalemu, si wange ufulale uyi wa mwenzo wako pakuti lyene upusuke. Uzye umatwalilila ukwelenganya iviipe ukufika lilaci?

Mateo 15:19

Pano mu mwenzo mukafuma amelenganyo yankota akamutungulula ku kukoma, kulongozya, nu kucita vintu vya winyi, uwivi, umboni waufi, kutumpwila.

Mateo 5:28

Lelo nemo namunena nati wino wensi uwalolekesya umwanaci nu kumukumbwa, wene ala walongozya nawe mu mwenzo.

Mateo 9:4

Lino Yesu wamanya vino yakwelenganya mu myenzo yao ayauzya ati, “Uzye pacani mukwelenganya viipe mu myenzo inu?

Milimo 8:22

Lyene zenzuka ku kwelenganya kwako kwipe, nu kupepa ku Mwene pakuti akwelele pa kwelenganya icintu wakwe cii.

2 Kolinto 10:5

nga ni citutumusi cino cikalenga kuti muntu ali wensi atamanya Leza. Swemo tukaongola melenganyo ya antu nu kulenga kuti yayela Klistu.