Mapinda 24:7 - Amazwi Yakwe Leza 2013

⁷ Iciwelewele ca muntu cikaposiwa ukuvwa umwalola amano. Ali mulandu kwene uno citange cikwate ni vyakulanda apa mpongolo zya musumba.

Mapinda 24:7 ပူးပေါင်းရင်းမြစ်များ

Yobo 31:21

“Nemo panondi, ndi cakuti limwi natazile inkatusya ikasa lyane, nu kupingila uwakaele apamulandu wakuti namasuka imucimvye mu kulondolola kwene ukwa ucenjezi,

Yobo 5:4

Ana yakwe iyasyala ntalwentalwe ukwaula ucingo, nu mu ng'anda ya milandu mutalolike nanti wenga, uwakuya yavwangila kweneko.

Masamu 10:5

Umwipe akaya nu longo muli vyonsi. Wene atangiluka upinguzi wakwe Leza. Yonsi akamulwisya wayasuula.

Masamu 127:5

Walongo awiyo uwazuzya inceto zya mwata uo umu nyambi yakwe. Atalatala acimviwe lino alakomenkanya anisi yakwe umu cifulo ca upinguzi.

Mapinda 14:6

Katumfya wa yauze angalondelezya amano ukwaula kuyazana, lelo umuntu mufuke wene akalooka ivintu visuma muli zuwazuwa.

Mapinda 15:24

Umuntu mucenjele akasololapo inzila ya umi ino ikatwala apa nkolelo, ali kukana ponela umu mfwa.

Mapinda 17:16

Impiya umu minwe ya ciwelewele, izya cani? Uzye angakalilamo amano wiyo atakwata umwenzo wa mano.

Mapinda 17:24

Umuntu mucenjele akasumba amano kuli cino alinzile ukucita. Lelo iciwelewele cene cikacita ivyacicitecite.

Mapinda 17:7

Imivwangile ya uwelewele, itazipila iciwelewele foo. Fwandi pasi pa uyi uku ntunguluzi!

Mapinda 22:22

Utafyenga umupina pamulandu wakuti umupina. Nupya utafyengelekezya antu umu cilye.

Mapinda 28:5

Antu akaifya yasitezya ivya ulungami. Lelo yayo akaopa Yawe alio yakatezya vyonsi.

Mapinda 31:23

Iya nawe akacindikwa wakwe cimwi, lwapa mpongolo ya musumba, pano yakaikala na ikolo ya mpanga.

Ezaya 29:21

Leza alalovya yayo yonsi yano yakasombezya auze imilandu, alalovya na yayo yonsi yano yakakana kuti yapezye yampulamasunde, na yano yakapeela umboni waufi, apakufyengelekezya antu akaele umu milandu yao ilungamane.

Ezaya 32:6

Pano iciwelewele ca muntu cikalanda ivyauwelewele, nu kwelenganya ukucita ivintu viipe. Ivintu vino cikacita na vino cikaelenganya, vyonsi ivyakusaalula sile Leza. Nupya citange citale cipeele ali ni nzala icakulya nanti amanzi kuli yayo ali nu lusala, awe.

Amosi 5:10

Mwemo mukapatana na apinguzi asi na kasoozi, mukasokela yayo akavwanga icumi umu matengo.

Amosi 5:12

Nene manyile uwingi wa viipe vinu nga nu ukulu wa maifyo inu. Mukazunya antu akacita vyaololoke nu kupoka amafukakanwa nu kunyongelekezya imilandu ya apina mu matengo ya milandu.

Amosi 5:15

Patini iviipe, temwini ivisuma. Sininkizini ukuti mukucita ulungami mu matengo inu amilandu. Namanye limwi alino Yawe Wamaka yonsi alaya na mizu pa antu yonsi asyala amu mutundu wakwe Yosefu.

1 Kolinto 2:14

Muntu wino asi na Mupasi, wene atangapokelela mawila yakwe Mupasi wakwe Leza. Muntu uwa musango uu, atangiluka vintu vya Mupasi. Kunoli visisenula cimwi, pano vikalondekwa kuya nu Mupasi Wamuzilo kuti muntu avyuvwe.