Mapinda 24:12 - Amazwi Yakwe Leza 2013

¹² Uzye ungakana ukuti, “Awe nemo ntamanyile umulandu?” Nga fwandi wiyo uwamanya nu kupima imyenzo ya antu atamanya? Nanti wiyo akawaka umupasi wako uzye asiuvwa?

Mapinda 24:12 ပူးပေါင်းရင်းမြစ်များ

Yobo 34:11

Leza akalinganya pali vino umuntu akacita. Wene akacitila cila muntu ukulinganya ni miyele yakwe.

Masamu 121:3

Atalaleka ulwazo lwako lusyetuke, wiyo aakakulinda atalatala asipule foo.

Masamu 121:8

Yawe alakucingilila lino ukwingila na lino ukufuma, ukutandika sile apilelo mpaka na manda pe.

Masamu 17:3

Nanti angala wemo wasakaula umu mwenzo wane, nupya wiza wampima usiku, wanjezya umu musango uli onsi, lelo pasi nanti umulandu umwi uno wazana. Nemo nsilanda iviipe.

Masamu 44:21

ngano wamanya mpiti. Pano inkama zyonsi izyaya umu myenzo ya antu, wemo wazimanya.

Masamu 62:12

alino ni cakuti we Leza, uluse lwako ulwamuntaputuka. Icacumi, we Mwene, ala ukapeela icilambu uku muntu ukulingana ni vicitwa vyakwe.

Masamu 66:9

Aliwe akatusunga nu kutupisya ulumi, nu kuleka ingazo zitu ukukana syetuka.

Masamu 7:9

Mala ivicitwa vya ukakasi vya antu aipe. Lelo antu akacita ivisuma uyalambule. Pano wewe Leza wino akapima amelenganyo ni myenzo kwene. Antu ukayaputwila imilandu ukulingana navino yakalonda, nga na vino yakaelenganya.

Masamu 94:9

Leza uwapanzile amatwi, uzye wene atange auvwe? Uwapanzile na manso itu, uzye atange alole?

Mapinda 12:14

Umuntu akavwanga ningo uku antu wene akapokelela ivisuma ivivule, ni milimo ino umuntu akaiombela ikalenga kuti alonkelemo.

Mapinda 16:2

Inzila zyonsi izya muntu, umweneco akazilola wa zisuma, lelo kapima wa myenzo a Yawe.

Mapinda 21:2

Nanti angala umuntu akuitunga ukulungamika lyonsi, lelo Yawe aliwe akalengulula ivili umu mwenzo wakwe.

Mapinda 5:21

Yawe akaceceta imipitile ya muntu cila nsita, ni nzila zyakwe akazilolekesyapo zyonsi pyu.

Mapinda 5:22

Ivicitwa viipe vya muntu mwipe vikaya iciteyo cakulemyamo umwisikulu, ni milimo iipe iya mukanda ikamuvimbilikizya.

Kasambilizya 5:8

Utazunguka lino walola ukuti uteko ukutitikizya apina nu kuyafyenga mu nsambu zyao. Cilolo wensi wacingililwa na wiyo akamwangalila, alino yaa yoili yacingililwa ni vilolo iviyalusile.

Yelemiya 17:10

Nene ne Yawe nkaceceta umwenzo wakwe cila muntu, nu kwezya amano yakwe. Nkapeela na cila wenga ukulingana ni micitile yakwe, ukulingana ni milimo yakwe ino akacita.”

Yelemiya 32:19

Kunuli wakula wakwe cimwi mu vicitwa vyako. Ala wewe musambazi mu vicitwa vyako vyonsi.

Nyimbo zya ndosya 3:36

Ukufyenga umuntu umu cilye ca milandu, nako kwene asilonda, awe.

Danieli 5:23

Wemo wasangukile Umwene wa mwiyulu. Wapile ilamulo kuti yakuletele ingako ni ngeso ukufuma mu Ng'anda ikulu yakwe Leza. Alino wewe, na yacilolo yako, na aci yako, na aci yako apa mbali yamwelile waini mu viya vii nu kulumbanya tuleza utwapangilwa na siluva na zaabu, nu mukuwa, ni cela, ni mbao nga na mawe, vivyo ivitangalola nanti ukuvwa. Lelo utacindike Leza wino wafumbata umi wako umwi kasa lyakwe kumwi na vyonsi vino ukacita.

Mateo 16:27

Pano Mwana wa Muntu aliiza pali pamwi na angeli yakwe mu lulumbi lwakwe Isi. Lyene alalambula nanti kuvunuka cila muntu kulingana ni vicitwa vyakwe.

Milimo 17:28

ndi vino umwi walanda wati, ‘Pano munoli twakwata umi, tukapita sweswe antu.’ Cili wakwe vino yakalemba inu ya numbo yati, ‘Pano naswe kwene sweswe ana yakwe!’

Loma 2:16

Acino kulingana ni Landwe Lisuma lino nkakosola, avino cilaya na pa Wanda uno Leza alapingula antu kupitila muli Klistu Yesu pa vya nkama vyamu myenzo yao.

Loma 2:6

Pano Leza alalambula cila muntu kulingana ni milimo yakwe.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

2 Kolinto 5:10

Pano swensi kwene tulimilila nkolelo yakwe Klistu, kuti atupingule. Cila muntu alapokelela viine ni milimo ino wacita muno nsi, iipe nanti isuma.

Umbwilo 1:18

Nene mumi! Nafwile, lelo ndakai indi nu umi manda pe. Nakwata mfungulo zya mfwa ni zya kuzimo.

Umbwilo 2:18

“Lemba ku ntunguluzi yakwi uvi lyaku Tiatila uti, “Lii ilandwe kufuma ku Mwana wakwe Leza, wino amanso yakwe yakaloleka wa cimbilimbili ca moto, nga ni ngazo zyakwe nazyo zikayengesa wa cela cino cazifiwa.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.

Umbwilo 22:12

Yesu akuti, “Uvwini!” Nkwiza zuwa! “Ndiza ni vilambu vyakupeela cila muntu kulingana na vino waomba.

1 Samueli 16:7

Lelo Yawe anena Samueli ati, “Utalola pa milolekele yakwe isuma nanti ukutalimpa kwakwe, pano asi wino nsonsile foo. Antu yene yakalola imilolekele ya kunzi, lelo ne Yawe nkalola ivili mu mwenzo.”

1 Samueli 2:3

Si fwandi mungala musuule sile, mutaya ni cilumba. Mutaezya ukuvwanga amazwi akuitumika, pano Yawe a Leza uwamanya vyonsi. Wene akapima vino antu yakacita.

1 Samueli 2:6

Yawe aliwe akaleta imfwa nupya aliwe akapeela umi. Wene akatwala antu kuzimo, nupya akweti amaka akuyazyukula.

1 Samueli 25:29

Ndi umuntu mui wezya ku kuzanza kuti akukome, Yawe Leza wako alakucingilila wakwe vino umwi akacingilila icuma icamutengo ukulu. Lelo wene alavwinta anisi yako wakwe vino antu yakafiika amawe na legeni.