Mapinda 23:7 - Amazwi Yakwe Leza 2013

⁷ Limwi angakwama ati, “Iza kuno ndulye, nu kumwa kweneko.” Fwandi umu mwenzo wakwe ala muli kamwi akakumukolola.

Mapinda 23:7 ပူးပေါင်းရင်းမြစ်များ

Masamu 12:2

Yonsi yakatumpwilana. Yakalyongofya apa tunwa twao, nupya yaya ni ndimi ziili.

Masamu 55:21

Amazwi yakwe, yali sile asuma, lelo umu mwenzo wakwe mwene ulupato sile ali luno lwali mwenemo. Amazwi yakwe yuvwikanga atambalale fwandi mbali yali anyoleke wa lupanga.

Mapinda 19:22

Ica muzewanya uku umuntu ukuya umupunuke, cazipa ukuya umulanda ukuluta ukuya uwantumpu.

Mapinda 26:23

Akalomo kaundyondyo ni vitakwa viipe, cili conga sile ni nyungu ikulumbile, iyaula ukoca.

Mapinda 26:24

Umuntu wa lupato nanti angalufisa uli umu mivwangile yakwe, lelo lwakasi ka munda yakwe, acisanguka.

Mapinda 26:25

Ndi cakuti wene wavwanga mazwi atelepe, utamuzumila, pano umunda yakwe mwaya ulupato maila cinimbali.

Danieli 11:27

Lyene yamwene yalya yaili yalikala nu kulya icakulya pamwi, lelo amalango yao yalaya aipe, nupya yalasombana. Yene yatalakwata cino yakulonda, pamulandu wakuti insita yakweco itatala yafika.

Luka 7:39

Lino Mufaliseo uwamwamile walola cii, aivwanzya umwisikulu ati, “Ndu muntu wii akasema, wange amanye umwanaci wii akumukumya. Wange amanye nu musango wa umi wa ukakasi uno waya nao, pano wene wali a cizelele.”

Yakapingula 16:15

Alino Delila amunena ati, “Ungalanda uli ukuti wantemwa lino fwandi utantaila? Lii, ila lyakwe citatu lino wemo ukalu kuntumpika nupya utali kuti unene inkama ya maka yako akulu.”