Mapinda 22:23 - Amazwi Yakwe Leza 2013

²³ Pano Yawe ali kavwangila wao, aliwe alapokolola nu umi wakwe yano yayapata.

Mapinda 22:23 ပူးပေါင်းရင်းမြစ်များ

Masamu 103:6

Yawe akavwangila kweneko yano yafyenga nu kuyapela insambu.

Masamu 12:5

Pamulandu wakuzunya alanda, Yawe nawe wavwanga wati, “Namakatuka, intuule nu mulanda akufyengwa, nu mupina akuilizyanya. Namapususya yayo akapunda kunondi!”

Masamu 12:6

Amazwi yakwe Yawe acumi. Yaya wakwe siluva umuzifiwe, wino yafumya umu kumwengulula umwi lungu amaila cinimbali.

Masamu 140:12

Namanya ukuti Umwene alapeela akafyengwa insambu, nu lungi uku alanda.

Masamu 140:13

Nakacendi, aololoke yalataizya izina lyako, aololoke yalaikala kunuli.

Masamu 35:1

We Yawe umvwangile kweneko kuli yao yonsi akandemanizya, umvwangile kuli yao akansinkola.

Masamu 35:10

Umwili wane onsi umatakanga ukuti, “Kutaya nanti wenga uwaya wakwe wewe! Ukatulanya anyukuntike kuli yao amaka, alanda na ulilwe, kuli yao akatitikizya!”

Masamu 43:1

We Leza, si mvwangile uku antu atakwata uluse, yayo atakusakamala, untulanye uku antu ya ufi nupya aipisye yamwi!

Masamu 68:5

Leza, wiyo akaikala umwi sano lyakwe ilyamuzilo, ali wino akasunga ana asyale, nu kuvwangila yamukamfwilwa.

Kufuma 22:22

Mutacuzya mukamfwilwa nanti umwana musyale.

Kufuma 22:23

Ndi mwayacuzya, ne Yawe nduvwa kulila kwao kuti njazwe.

Mapinda 21:7

Antu aipe yakaikolomwela sile imfwa pamulandu nu ukakasi wao, pano yasilonda ukucita ivisuma.

Mapinda 23:11

Pano Kavwangila wao wene uwamaka, nupya aliwe alakupingula.

Ezaya 33:1

Kalanda kunuli we mononyi wemuno utatala wononwa, kasampa wa vyuma wemuno utatala usampwe. Lino ulamala ukonona, yalakonona. Na lino ulamala ukusampa ivyuma, nawe yalakusampa.

Yelemiya 30:16

Lelo ukuya kwene yayo yano yakukumalila, alio kwene yalasila, na anisi yako yonsi yalasendwa ku uzya. Yano yivile ivyuma nayo yalayiyila ivyuma vyao, na yano yakusamfile nayo yalasampwa.

Yelemiya 50:34

Lelo apano naya ne Wamaka, nemuno ningayatuula. Anene nemuno nkaamwa ukuti Yawe Wamaka yonsi. Anene namayatuula, nu kuleka kuti antu yaikalile ku matwi cele. Lelo aina Babiloni yene namayaponyezya sile isyamo.”

Yelemiya 51:36

Caleka Yawe anena antu amu Yelusalemu ati, “Umulandu winu, anene ndausumbako amano, nupya anene ndamulandwila kweneko. Nemo ndakamya intulo zya manzi umu Babiloni kumwi ni nguzi kwene.

Mika 7:9

Twifya kuli Yawe, acino lyene tulinzile kuzizimizya ukali wakwe, mpaka ace atuvwangile nu kuzifya umulandu witu. Wene alatwingizya mu luswepo, alino tulalola kuno akututuula.

Habakuku 2:8

Pano wemo wasampa ivingi ukufuma ku mitundu iingi, acino antu alapusuka yaliza yakusampe ivyakwako. Pano wemo wakoma antu aingi nupya wemo onona imisumba yonsi kumwi na antu akaikalamo.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

1 Samueli 24:12

Si Yawe ale apingule pakasi kakwe wewe nani. Lelo nanti angala wene amandandwila, ntalatala nkucitile iciipe icili consi.

1 Samueli 24:15

Si Yawe aye kapingula witu nga atupingwile umulandu. Si ale apituluke mu mulandu wane, ampokolole nu kuntuula kuli wewe.”

1 Samueli 25:39

Lino Davidi uvwa ukuti Nabali watafwa, avwanga ati, “Lumbanyini Yawe, wiyo uwandwila kuli Nabali pa musausya uno wancitile. Ala Yawe umwisikulu uwandesizye ukucita iciipe nupya aliwe kwene uwalenga kuti uyi wakwe Nabali umwisikulu umulye.” Alino Davidi atuma intumi izyakuya mulanzizya kweneko Abigelo, pakuti angamusaka.