Mapinda 21:2 - Amazwi Yakwe Leza 2013

² Nanti angala umuntu akuitunga ukulungamika lyonsi, lelo Yawe aliwe akalengulula ivili umu mwenzo wakwe.

Mapinda 21:2 ပူးပေါင်းရင်းမြစ်များ

Yobo 31:6

Ndi cakuti Leza wali nu kumpima apa cipimilo icisitumpoka, wene angazana nu kusininkizya ukayele wane.

Masamu 36:2

Wene akailola kwati wataluta yonsi, nu kwelenganya ukuti Leza atange amanye uyi wakwe, nu kupeela umulandu atange apelwe foo.

Mapinda 12:15

Ivikacita umuntu iciwelewele wene akalola kwati ivisuma, lelo uwamano akauvwa umpandamano uku antu.

Mapinda 16:2

Inzila zyonsi izya muntu, umweneco akazilola wa zisuma, lelo kapima wa myenzo a Yawe.

Mapinda 16:25

Kwaya inzila ino yamwi yakaelenganya ukuti isuma, lelo pakusyalikizya ikatwala ku mfwa.

Mapinda 17:3

Siluva akaengululwa umu cikopo, zaabu nawe umwi lungu. Lelo Yawe aliwe akaezya imyenzo.

Mapinda 20:6

Antu avule yakaitanka apa luse lwao. Uzye aweni angazana umuntu umufuma cumi?

Mapinda 24:12

Uzye ungakana ukuti, “Awe nemo ntamanyile umulandu?” Nga fwandi wiyo uwamanya nu kupima imyenzo ya antu atamanya? Nanti wiyo akawaka umupasi wako uzye asiuvwa?

Mapinda 30:12

Insiki ino ikati, ‘Swemo twazipa, lelo fwandi yataizifya aisikulu.

Yelemiya 17:10

Nene ne Yawe nkaceceta umwenzo wakwe cila muntu, nu kwezya amano yakwe. Nkapeela na cila wenga ukulingana ni micitile yakwe, ukulingana ni milimo yakwe ino akacita.”

Danieli 5:27

Tekeli: Wapimwa pa sikelo nu kuzanwa ukuti wangumpala wakwe cimwi.

Luka 16:15

Yesu ayanena ati, “Mwemo mukaizifilizya pa manso ya antu lelo Leza wamanya vyaya mu myenzo inu, pano vintu vino antu yakaelenganya ukuti vyacindamisya kunoyali ala ivya winyi pa manso yakwe Leza.

Galatiya 6:3

Muntu umwi ndi akwelenganya ukuti mucindamisye kuluta auze, na lino asi vivyo ala wene akuitumpoka.

Yakobo 1:22

Mutaisomba mweisikulu pa kuvwa sile mazwi yakwe Leza. Lelo mulinzile kucita vino mazwi yalanda.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.

1 Samueli 16:7

Lelo Yawe anena Samueli ati, “Utalola pa milolekele yakwe isuma nanti ukutalimpa kwakwe, pano asi wino nsonsile foo. Antu yene yakalola imilolekele ya kunzi, lelo ne Yawe nkalola ivili mu mwenzo.”