Mapinda 20:2 - Amazwi Yakwe Leza 2013

² Icipyu ca mwene caya wa cilulumo cakwe cisama, acino na wiyo uwala wacivulumula, ala wailetelela sile umweneco.

Mapinda 20:2 ပူးပေါင်းရင်းမြစ်များ

1 Yamwene 2:23

Alino umwene Solomoni alapa nu mulapo umwi zina lyakwe Yawe ati, “Si Leza andye, ndi cakuti ntakuleka Adoniya akomwe pa kuuzya icintu ica musango uu!

1 Yamwene 2:24

Pasi pano, Yawe uwa umi, aliwe antesile pa cilimba ca wene cakwe tata Davidi. Wene wafikilizya ulayo wakwe nu kupeela uwene kunondi nu ku amu mupanda wane. Acino nkulapa nu mulapo umwi zina lyakwe Yawe ukuti Adoniya amafwa ilelo kwene.”

Mapinda 19:12

Icipyu ca mwene cakolana ni cilulumo cakwe cisama. Lelo uluse lwakwe lukoline nu lumi ukwi sote.

Mapinda 8:36

Lelo wino wensi uwaposiwa ukunzana, wene ala wailetelela sile. Na wino wensi uwapata nene, ala wene watemwa imfwa.”

Kasambilizya 10:4

Ndi ntunguluzi yakusokela, wemo utata incito, pano ukufuuka kungalenga kuti wemo welelwe ni vintu ivikalamba vino waluvyanya.

Oseya 11:10

“Antu yane yalandondela lilyo lino ndang'anzila anisi yao wakwe cisama. Alino yalasimwilila kunondi ale yakuzakaza ukufuma ku uwondaka.

Amosi 3:8

Cisama ndi waluluma, uzye aweni atanguvwa intete? Yawe Simwandalali ndi wavwanga, uzye aweni angalesya ukukosola amazwi yakwe?

Habakuku 2:10

Wapangile ukonona antu amitundu iingi, lelo wemo waletelela akazi kako insonyi nu kuponzya umi wako.

Mpendwa 16:38

Vyene vyali ivyamuzilo ukufuma lino vyapezilwe kuli Yawe pa kavuwa. Acino tola ivifutikilo vya antu yaa yano yakomilwe pamulandu wa nkota zyao, uvipamante mu tumalata nga upange cakufupilila kavuwa. Vyene vimayanga ivyakusoka aina Izlaeli.”