Mapinda 2:9 - Amazwi Yakwe Leza 2013

⁹ Wemo ndi cakuti umanguvwila, umamanyanga ivintu ivisuma, ivilungame, ivyampomvu. Umamanyanga navino uli nu kucita.

Mapinda 2:9 ပူးပေါင်းရင်းမြစ်များ

Masamu 119:105

Amazwi yako ali lampi ilya kuntungulula, nupya ali luswepo lwa kunkozezya inzila yane.

Masamu 119:99

Natinja na mano ukuluta na yakasambilizya yane yonsi, pano nkakutumalilapo apa malamulo yako.

Masamu 25:12

Yayo akwatila Yawe icoopo, akayalangilila inzila umwakulondela.

Masamu 32:8

Yawe wati, “Namakusambilizyanga nu kukulanga inzila mwakupita. Namakuwakanga nu kukupanda mano.

Mapinda 28:5

Antu akaifya yasitezya ivya ulungami. Lelo yayo akaopa Yawe alio yakatezya vyonsi.

Mapinda 4:12

Ndi cakuti walondela mwenemo, lyene kutalatala kuye icintu icakukucilikila inzila, ndi wasimula mwenemo utalapumika foo.

Mapinda 4:18

Inzila ya antu asuma, yaya wa luswepo lwa pamacaca, lulo ulukakulilako mpaka ilanzi ilisanzama.

Mapinda 8:20

Nkapita umu museo wa ololoke, umu nzila ya ulungami.

Ezaya 35:8

Kulaya umuseo ukalamba uno ulaamwa ukuti “Umuseo wakutungulula kuli umuzilo.” Umuntu umukowele atalapita mwenemo ni viwelewele vya antu vitange vipumbule yayo akupita mwenemo umu nzila iyo.

Ezaya 48:17

Yawe, Katuula wako, Wamuzilo wilya wakwe Izlaeli, wavwanga wati, “Nene indi Yawe, Leza winu, wiyo akamusambilizya vyakuti vyamuzipila, kuti ivintu vimuzipile. Nkamutungulula umu nzila ino mulinzile kupita mwenemo.

Yelemiya 6:16

Yawe wavwanga ku antu yakwe ati, “Imililini pa masansa ya museo, mucelecensye! Muzye inzila zyampiti nupya muzye ukuli inzila zisuma alino lyene mupite mwenemo. Lyene mulikala mu mutende.” Lelo mwemo mwakanyile imuti nu kuti, “Tutange tupite mwenemo, awe!”

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.