Mapinda 2:6 - Amazwi Yakwe Leza 2013

⁶ Pano Yawe aliwe akapeela amano, aliwe kwene ali ntulo ya kumanya nu kwiluka

Mapinda 2:6 ပူးပေါင်းရင်းမြစ်များ

1 Yamwene 10:24

Antu yonsi amu nsi yalondanga ukuya kuli Solomoni pakuti yamanye amano yano Leza wamupeela.

1 Yamwene 3:12

Nani namacita cino watulenga. Namakupeela umwenzo wa mano nu kwiluka, uwakuti kutalatala kuye umuntu uwakulingana nawe, nupya pacisila cako kutalatala kuye umwi.

1 Yamwene 3:9

Acino mpekwini ne muomvi winu amano akuteekelamo antu inu, pakuti namanya ivyakupusanya pakasi ka visuma ni viipe. Ndi cisi vivyo uzye aweni angateeka antu inu avule wakwe cimwi?”

1 Yamwene 4:29

Leza wapile Solomoni amano nu kulamoka ukutanga pimwa wa musensenga uwamu nkumba yakwe yemba.

1 Milandu 22:12

Si Yawe akupeele ukwiluka na mano, pakuti wateeka aina Izlaeli ukulingana na masunde yakwe Yawe Leza wako.

Ezila 7:25

“Acino wemo Ezila, umu kuomvya amano yano Leza wako wakupeela, wewe ulinzile wasonta intunguluzi na yakapingula akuteeka antu umu mbalama ya luzi lwa Yufulate, yao amanya isunde lyakwe Leza wako. Nupya ulinzile ukusambilizya amasunde kuli wensi atayamanyile.

Neemiya 7:5

Alino Leza alanda nani apakuti nkonganike asambazi, ni ntunguluzi pamwi na antu yonsi apakuti yangapituluka umu mazina yao. Ali vino natantike amazina yakwe yao atandikile ukuwela ukufuma uku uuzya. Vivyo ali vino nazanyile ivyalemvilwe mwenemo:

Yobo 12:13

Lelo Leza aliwe waya na maka nga na mano. Tungapandwa amano nu kusambilila umpandamano kunoli.

Yobo 12:16

“Leza uwaya na maka na mano yampomvu. Aliwe akateeka umucenjezi na wino yatiyacenjezya kwene.

Yobo 22:22

Wemo ule upokelele amasunde yakwe yano akakupeela, nu kuwaka amazwi yakwe amanda pe.

Yobo 32:8

Lelo umupasi wakwe Leza, uli uno ukaingila mu muntu nu kumupeela ukwiluka.

Masamu 119:104

Inkalonka amano ukufuma uku masunde yako, ali cino fwandi napata ni misango iipe yonsi.

Masamu 119:34

Ndondolwela amasunde yako, nu kuyela namayayelanga nu kuyawaka nu mwenzo wane onsi.

Masamu 119:98

Isunde lyako lyaya nane insita yonsi nupya likaleka injeleko na mano ukuluta anisi yane.

Masamu 19:7

Amasunde yakwe Yawe yaya alungame. Yakapeela umi upya. Upinguzi wakwe Yawe uwa cumi. Ukapela amano kuli yao akayalonda.

Masamu 19:8

Amalamulo yakwe Yawe yaya alungame. Yao akayalondela yakasansamukila mwenemo. Amasunde yakwe yaya atunguluke, yakatungulula umupasi, nu kunjilula ningo.

Masamu 51:6

Pamulandu wakuti watemwisya ulungi uwamu mwenzo, sokolola kunondi uwile wamano yako.

Masamu 94:10

Vino ali kateeka wa mitundu yonsi, uzye atalayapezya? Ali kasambilizya wa antu yonsi, uzye atamanya?

Kufuma 31:3

Wiyo, natindenga Mupasi wane kuti azule munoli. Natindenga kuti aye a fundi wa mano nupya mulamoke mu milimo yonsi wakwe vii.

Mapinda 6:23

Pano amasunde yali wa lukozyo, nu usambilizyo uli wa luswepo. Pano ukukalipilwa nu ufuke ili nzila ya umi.

Kasambilizya 2:26

Leza akapeela amano, ukumanya nga ni nsansa ku antu akamuzanzya. Lelo akalenga kuti yakaifya yaombe nu kulonka icuma pakuti yangapeela icuma cao ku antu akazanzya Leza. Ala cii icasilesile. Cili wa kuzinganya umuza.

Ezaya 54:13

Ana yako yonsi yalasambilila kuli ne Yawe, isyuko lyao lilakula wakwe cimwi.

Ezaya 8:20

Umu cumi vii ali vino yalalanda. Lelo mwemo muce mwayasuka muti, “Uvwini vino Yawe akumusunda!” Ala mwemo mutauvwa kuli yano yakumuuzizya imilandu uku mipasi. Vino yakumunena vitalamuombela icisuma nanti conga.

Danieli 1:17

Caleka Leza apeela alumendo yaa yani amano nu kwiluka kwa misango yonsi ya vyalembwa na masambililo. Ukulunda pali cico, apeela Danieli amaka akulondolola ivilolwa ni viloto vya misango yonsi muno viile.

Danieli 2:21

Wene akaangalila utusita ni viputulwa vya mwaka, akalasika antu apa wene nu kuyasisya penepo. Aliwe kwene akapeela amano ku antu yamano, nu kumanya kuli yayo akailuka.

Danieli 2:23

Nkukutaizya nu kukulumbanya, we Leza wa vikolwe vyane. Wemo wampeela amano na maka. Watuasuuka ni pepo lyane nu kutulanga vyakuti tukanene umwene.”

Luka 21:15

pano ndamupeela mazwi nga na mano kuti patakaye nanti wenga uwamu anisi inu alakana nanti kupilika vino mulavwanga.

Yoane 6:45

Yakasema yalemvile yati, ‘Onsi yalasambiliziwa na Leza.’ Wino wensi akauvwa nu kusambilila kuli Tata wene akaiza kunondi.

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.

Yakobo 1:5

Lelo ndi umwi uwa munomuli ulilwa mano, wene alinzile kulenga Leza, nga nawe alamupeela, pano Leza akapeela kuli yonsi kwaula kasoozi.