Mapinda 2:1 - Amazwi Yakwe Leza 2013

¹ Mwanane, uwasambilila vino nkukunena. Utezya uwailila vino nkukukonkomezya ukucita.

Mapinda 2:1 ပူးပေါင်းရင်းမြစ်များ

Yobo 23:12

Nemo lyonsi nkawaka amasunde yakwe yano akanena. Vino akalonda ali vino nkacita. Asi vino nemweneco njitemilwe.

Masamu 90:12

Acino tusambilizye tumanye uwipi wa manda itu, apakuti tukwate imyenzo yamano.

Mapinda 1:3

Alino na pakuti tusambilile ukulondela amano yampomvu, aulungami, ukulungika nga nu ufumacumi.

Mapinda 28:7

Umwana umwiluke ali wino akawaka amasunde, lelo wiyo akapita na antu apunuke akaletela isi insonyi.

Mapinda 3:1

Mwanane utailila vino nkukusambilizya, lelo lyonsi sile uwaiusya vino nakunena ukucita.

Mapinda 4:1

Mwe ana, si mwauvwila amasunde yakwe yaso, kutikini apakuti mukwate amalango yakumanyilako ivintu.

Mapinda 4:10

Uvwa kuno mwanane, pokelela amazwi yane, ndi wacita cico amanda yako yalavula pano nsi.

Mapinda 6:21

Uwavisunga pe umu mwenzo wako, nu kuvinyepelela pe umu nsingo yako

Mapinda 7:1

We mwanane, uwaiusya amazwi yane, nu kuwaka amalamulo yane.

Mapinda 8:1

Uzye amano yasiaama? Uzye kwiluka asisanzula izwi lyakwe?

Mapinda 9:1

Amano yakuula ing'anda yakweyo, nga yika ni ncesi zyaiko cinimbali.

Mateo 13:44

“Uwene wa mwiyulu ukoline na cino cikacitika lino umwi wazana cuma camutengo cino umuntu wafisa mu musili mu calo. Lino wiza wacizana, nawe acifisa nupya, nga mu luzango apita, aya akazya vyonsi vino akweti, nga aiiza akala calo kwene cico.

Luka 2:19

Maliya wasunzile vintu vii vyonsi mu mwenzo wakwe nu kuvyelenganyapo.

Luka 2:51

Caleka Yesu apita nao ku Nazaleti, kuko kuno lyonsi wali uwakutontela akwasi yakwe. Nyina wasunzile vintu vii vyonsi mu mwenzo wakwe.

Luka 9:44

“Muvwikisye ningo vino nati munena. Mwana wa Muntu alakoopelwa ku antu.”

Malango 30:13

Nupya lisi ku mbalama yuze yakwe yemba cakuti mungalanda muti, ‘Uzye aweni amalamba yemba kuti akatuletele, kuti tulyuvwe nu kuliyela?’

1 Timoti 1:15

Muvwango uu, uwa cumi wakuti, Klistu Yesu wizile muno nsi ku kutuula yakaifya. Nupya nene kaifya uwaluta onsi.