Mapinda 18:2 - Amazwi Yakwe Leza 2013

² Iciwelewele cisilonda ukwelenganya, suka sile ukuzaila ivili umu mwenzo wakweco.

Mapinda 18:2 ပူးပေါင်းရင်းမြစ်များ

Mapinda 1:22

“Mwe mbulwamano mwe! Mulasya umbulamano winu ukufika lilaci? Mulata lilaci ukusuula ne malango? Uzye mulasyalilila awelewele vivyo kwene?

Mapinda 1:7

Ukoopa Yawe ili ntendekelo ya malango. Iviwelewele ivikasuula amano nu kusundwa.

Mapinda 12:23

Umuntu mucenjele akafisa amano yakwe, lelo iviwelewele vyene vikalanga uwelewele wakwevyo apaswe.

Mapinda 13:16

Uwamano akacita vyonsi umu kucenjela, lelo iciwelewele cikalangizya uwelewele wakweco apaswe.

Mapinda 17:16

Impiya umu minwe ya ciwelewele, izya cani? Uzye angakalilamo amano wiyo atakwata umwenzo wa mano.

Mapinda 18:3

Uyi ndi cakuti wiza, ukaleta ukusuulwa, ni nsonyi nazyo zikaiza nu muzewanya.

Kasambilizya 10:3

Uwelewele wakweco ukamanyika nu ku mwenyi wino cakomenkana nawe umu nzila. Cene cikalenga kuti umuntu wensi acimanye ukuti iciwelewele.

Mateo 8:34

Lyene antu amu musumba yafuma kuya komanya Yesu, nga lino yamulola, yamupapata kuti afume mu mpanga yao.

1 Kolinto 14:12

Endi, mwemo mukulondesya kukwata mawila kufuma kuli Mupasi Wamuzilo. Caleka pimpini kuomvya mawila yano mungaomvya, mu kukuula nu kukomelezya iuvi.

1 Kolinto 8:1

Muli kalata wino mwandembile mwanguzizye pamulandu ni vyakulya vino vyapeelwa mpolelwa ku tuluwi. Cacumi, swensi kwene tumanyile pa cintu cii. Lelo kumanya kwene kuu, kukatulenga kuitutumula pamulandu witu sweisikulu, lino kutemwa kwene kukatulenga kwazwa yauze.

Filipi 1:15

Yamwi yakakosola Klistu pamulandu wakuti yakweti uzuwa nu muvimbila, lelo yamwi yakacita cii pa kulonda kwazwa yauze.