Mapinda 17:3 - Amazwi Yakwe Leza 2013

³ Siluva akaengululwa umu cikopo, zaabu nawe umwi lungu. Lelo Yawe aliwe akaezya imyenzo.

Mapinda 17:3 ပူးပေါင်းရင်းမြစ်များ

1 Milandu 29:17

We leza wane, imanyile ukuti wemo ukaezya umwenzo wa muntu ali wensi, nu kuti ukazangila mu muntu akacita ivisuma. Ndakai nailolela ni nsansa kuno antu yako yakupeela kunuli mu kuitemelwa.

Yobo 23:10

Lelo kwene Leza wamanya imipitile yane yonsi. Ndi cakuti angatemwa ukumvukuta umwi lungu, awe cumi angalola sile kuno niza nafuma mpee, wakwe zaabu.

Yobo 28:1

“Akuno yaya imikoti muno antu yakaimba siluva, kwaya kweneko na malungu muno yakaengulwila zaabu.

Masamu 139:23

Ncecete, we Leza, ulole umwenzo wane, unjezye pakuti umanye vino nkaelenganya.

Masamu 26:2

Utale uncecete, we Yawe, nu kunjezya. Umpime umu myelenganyizizye yane nu muvilondwa vyane.

Masamu 66:10

We Leza, ala watwezya, watusambula wakwe vino yakaengulula siluva umu moto.

Mapinda 15:11

Kuzimo ni ciwina vyaya apa manso yakwe Yawe. Uzye lyene antu yangamufisa uli ivili mu myenzo yao?

Mapinda 16:2

Inzila zyonsi izya muntu, umweneco akazilola wa zisuma, lelo kapima wa myenzo a Yawe.

Mapinda 17:2

Umuzya uwa mano wazipapo ukuluta iciwelewele ca mwana, cino cikakana ivyuma vya upyanyi ivya ng'anda pamwi na auze.

Mapinda 21:2

Nanti angala umuntu akuitunga ukulungamika lyonsi, lelo Yawe aliwe akalengulula ivili umu mwenzo wakwe.

Mapinda 27:21

Kwaya ilungu lyakwengulwila siluva nga ni lungu lyakusungulwila zaabu, lelo umuntu wene akapimilwa ku kutasiwa apa miyele yakwe.

Ezaya 48:10

Vivi kwene vino yakaengulula siluva umu moto, ali vino nani kwene namupisya umu macuzi yano yakolana nu moto ukukalipa. Lelo kwene nemo nalola ukuti mwemwe viwelewele sile.

Yelemiya 17:10

Nene ne Yawe nkaceceta umwenzo wakwe cila muntu, nu kwezya amano yakwe. Nkapeela na cila wenga ukulingana ni micitile yakwe, ukulingana ni milimo yakwe ino akacita.”

Ezekelo 22:18

“We mwana wa muntu, aina Izlaeli kunondi nkayalola wakwe munyela. Yaya kwati amunyela wino watikinkana nu mukuwa, ilata, icela, nu mutovwe, vivi ivikasyala mwi lungu lino siluva wengululwa.

Danieli 11:35

Yamwi mu ntunguluzi zizi zyamano yalakomwa, lelo pamulandu wakwe cii antu yalasangululwa. Cintu cii cilatwalilila mpaka ukufika nu kumpelelekezyo, umu nsita ino Leza wasonta.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Malango 8:16

Wene wamupeezile mana mu lwanga kuti mulye, ivyakulya vino ivikolwe vinu vitatazile vilye. Wene wamuletile intazi kuti amwezye, pakuti lino zyasila amupeele ulongo nga na vyonsi vimuzipile.

Malango 8:2

Mwaiusya vino Yawe Leza winu wamutungulwile mu lwendo luu lutali nzila yonsi mu lwanga pa myaka iyapita amakumi yani, ala akumutumila intazi kuti amwezye nga alole ndi mumayelanga amalamulo yakwe.

1 Petulo 1:7

Mulimo wa kweziwa ukusininkizya cumi ca utailo winu. Wakwe vino zaabu, wino akaononeka, yakamwezya pa kumoca mu moto kuti yalole ndi umukome, avino nu utailo winu uno waluta pali zaabu ndi waposya mukweziwa, lyene mulatasiwa nu kupelwa lulumbi nu mucinzi pa wanda uno Yesu Klistu alasokololwa.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.