Mapinda 17:14 - Amazwi Yakwe Leza 2013

¹⁴ Ukutandika ukuloolola umulandu ali kuleta mulamba. Fwandi, lesya ukuloolola lino kutacili kwatampa.

Mapinda 17:14 ပူးပေါင်းရင်းမြစ်များ

2 Samueli 19:41

Lyene aina Izlaeli yonsi iyaya ku mwene nga iyamunena yati, “Mwene wakwisaci, uzye pacani cino aina itu aonsi amu Yuda yelenginye ukuti yakweti insambu iya kukusenda nu kusukilila wewe, na aluko lwako, na antu yako, yamulamvye Yodani?”

2 Milandu 13:17

Abiya pamwi na antu yakwe iyakomola aina Izlaeli wakwe cimwi, cakuti aina Izlaeli afwile yali imyanda isano.

2 Milandu 28:6

Mu wanda sile onga Peka umwana umonsi wakwe Lemaliya akoma antu 120,000 aku Yuda, pamulandu wakuti yene yalanga yafutatila Yawe, Leza wa vikolwe vyao.

Mapinda 13:10

Icilumba cakwe yayo asisakamala ivya yauze cikakatusya ulwete, lelo wiyo akauvwila malango ku antu yauze yakacefya icongo.

Mapinda 14:29

Wiyo akateeka umwenzo wakwata amano aingi. Lelo akapamviwa, wene iciwelewele wakwe cimwi.

Mapinda 15:1

Ukwasuka luse luse kukamala icipyu, lelo akasa kakakatusya ukali.

Mapinda 16:32

Asisoka zuwa wazipapo ukuluta kavulumula wa mpanzela. Akaitonsya umweneco waluta akapokolola imisumba.

Mapinda 17:19

Uwatemwa ukulemanila, watemwa nu kwifya. Uwa mazwi ya cilumba akalonda uononesi.

Mapinda 19:11

Amano ya muntu, ali yano yakamuteeka umwenzo, ukucindama kwakwe kwayelako umu kusuula imilandu.

Mapinda 20:3

Ukuleuka ivikanza kukacindamika umuntu. Lelo umuntu wiyo wino atakwata amano, asyaisunga.

Mapinda 25:8

Cino watuilolela we mweneco na manso yako, utakalauka ukutwala uku cilye, pano cingize cikuletele insonyi ndu muzo wiza wakusinila.

Mapinda 26:21

Vivi kwene vino amakala yakanyesuka, ni nkwi izyaka apa moto, ali vino umuntu wa lwete waya apa kulumilizya ivyongo.

Mapinda 29:22

Umuntu ndi wasoka, akakatusya ulwete, nu wa cipyu nawe akavuzya amaifyo.

Loma 12:18

Citini vyonsi vingacitwa pakuti mwikale mu mutende na antu onsi.

1 Tesalonika 4:11

Lekini simwililo linu liye ilya kwikala kwaula vyongo, muye akusakamala milimo inu, nu kuombesya ndi vino twamunenyile nkolelo.