Mapinda 17:11 - Amazwi Yakwe Leza 2013

¹¹ Umuntu mwipe akaelenganya sile ivya utalami. Icaleka yakamutumila inkombe iyakuya mukalipila.

Mapinda 17:11 ပူးပေါင်းရင်းမြစ်များ

2 Samueli 15:12

Pa nsita ino wapeelanga impolelwa, Abusalomu atuma akuya ama Aitofeli uwaku musumba wa Gilo, wenga muli yampandamano ya Mwene Davidi. Fwandi avili vino amapange akupangila isi nu kumusangukila yaile yakukulila kweneko. Alino iumba ilya kulondela Abusalomu nalyo kwene lyayanga likukulila kweneko.

2 Samueli 18:15

Lyene ivita ikumi, yamusenda mpamba yakwe Yoabu yazinguluka Abusalomu, iyamutotola nu kumukoma.

2 Samueli 18:19

Lyene Aimaazi umwana wakwe Zadoki anena Yoabu ati, “Leka nsimule inje ku mwene nkamunene ilandwe lisuma ilyakuti Yawe watamutuula ku anisi yakwe.”

2 Samueli 20:1

Kwali kweneko kacita wa mpanzela wino yatemile izina iyati a Syeba, umwana wakwe Bikili, uwamu luko lwakwe Benjamini. Wene alizya intandala apunda ati, “Tusi ku lusansa lwakwe Davidi! Nupya tutakulondela umwana wakwe Yese! Mwe ina Izlaeli, si tuini tuswilile kumwitu!”

2 Samueli 20:22

Lyene umwanaci wilya aya ku antu yonsi amu musumba ulya nga ayanena umpandamano wakwe. Alino nayo iyaputula umutwe wakwe Syeba umwana wakwe Bikili nga iyausumbila apali Yoabu, ukucilusya ilinga. Alino Yoabu alizya intandala kuti ciye icimanyililo ku antu yakwe kuti yafuntuke ku musumba ulya, nga nayo iyaswilila kumwao. Yoabu nawe aswilila ku Yelusalemu ku mwene.

1 Yamwene 2:31

Umwene anena Benaya ati, “Kacite wakwe vino watavwanga. Yanga kamukome, nga lyene umuzike, pakuti nene na amu mupanda wane tutakaye nu mulandu kuli cino Yoabu wacisile pa kukoma antu akaele.

1 Yamwene 2:46

Lyene umwene apeela ilamulo kuli Benaya umwana wakwe Yeoyada nga nawe aya akoma Syimei. Alino lyene uwene wakwe Solomoni iukoma wakwe cimwi.

Mapinda 17:10

Umuntu wamano akauvwa uku kukalipilwa ukuluta uku ciwelewele cino yuma inguma umwanda.

Mapinda 17:12

Ukukomenkanya icilyanyi icaticipokwa utwana, kwazipapo ukuluta uku komenkanya iciwelewele umu uwelewele wakweco.

Mapinda 24:21

Mwanane, ala mwine uwakwatila Umwene Leza icoopo, uwakwatila na yamwene ya pano nsi umucinzi. Pali yoili kwene, utatalamila nanti wenga, nupya utalemana na yayo akatalamila yamwene yonsi yoili.

Mateo 21:41

“Nao yaasuka yati, alakoma alimi yaa mu musango umwi uwipisye, nu kupanzisya calo ca matingi ku alimi yauze, yano alamupeela mulingo wa vizao vino alatola pa nsita ya kuzombola.”

Mateo 22:7

Lelo Mwene asoka cuze, nga atuma asilika yakwe kuya koma inkomi zizyo nu kooca misumba yao iikulu.

Luka 19:27

Lelo anisi yane yano atalondanga kuti inje mwene wao yaletini kuno nu kuyakoma pa manso yane.’”