Mapinda 16:7 - Amazwi Yakwe Leza 2013

⁷ Mikalile ya muntu ndi yazanzya Yawe, ala na anisi yakwe kwene yalamutemwa.

Mapinda 16:7 ပူးပေါင်းရင်းမြစ်များ

Utandiko 27:41

Esau apata Yakobo pamulandu wakuti isi wamupolelile, nga aelenganya ati, “Insita yakulosya tata yatipalama pipi. Lino insita ya kulosya ilasila, ndakoma Yakobo.”

Utandiko 32:28

Lyene umuntu wilya ati, “Izina lyako litalaya nupya Yakobo, pano watulwisyanya na Leza na antu, nga watucimvya. Caleka izina lyako ndakai waya Izlaeli.

Utandiko 33:4

Lelo Esau asimula ku kukomanya Yakobo. Lino wafika amukukula, amutonsola nga lyene yoili iyatandika ukulila.

2 Milandu 17:10

Yawe walenzile incende yonsi iyazigulwike impanga ya wene wakwe Yeosafati iye iyakoofya kuli wensi akulonda ukulwisya Yeosafati.

2 Milandu 20:30

Pamulandu uu, kwali umutende utantalile uwaku matwi cele umu uteko onsi wakwe Yeosafati nu ku inipamba

Ezila 8:36

Yatola na kalata wino umwene Alitakisesi wayapile, yatwalila alasi na yamusika akuno mbalama ya luzi lwa Yufulate, nayo ali pakwazwilizyako antu nu kwazwilizya Ng'anda ikulu yakwe Leza.

Masamu 69:31

Pano kwene cico icingazanzya Umwene, ukuluta ukumutuula ka cipambasi ka ng'ombe, ukuluta na pakumutuula cipambasi wiya kwene uwata nu kukula.

Kufuma 3:21

“Ndalenga kuti aina Eguputo yamucindike pakuti lino antu yane yalafuma mu mpanga ya Eguputo yataca yapite minwe.

Mapinda 16:8

Ukukwata ivinono nu ulungami, kwazipa ukuluta ukulonka ivingi nu lufyengo.

Mapinda 3:17

Amano yakaletela umuntu uluzango umu wikazi wakwe, yakalenga nu kuti aikala mu mutende.

Yelemiya 15:11

Yawe, sileka ivitipu vyao vyonsi vimponele ndi cakuti nsikutumikila ningo, nu kupapatila anisi yane umu nsita ino intazi na malanda vyayaponile.

Yelemiya 39:12

“Umusende nu kumuwaka. Utamucuzya, lelo umucitile icili consi ndi muno akulondela.”

Yelemiya 42:12

Ndamuyelela uluse pakuti namwe ace amuyelele uluse nu kumuzumilizya ukuswilila ku mwinu.’

Danieli 1:9

Lyene Leza alenga kuti cilolo wilya asakamale Danieli nu kumuvwila uluse.

Loma 8:31

Uzye tumati uli pa vintu vii? Ndi Leza ali naswe, aweni amatucimvya?

Filipi 4:18

Napokelela vyonsi, ndakai ntuulilwa. Nupya napokelela mawila yano Epaflodito wandetile kufuma kunomuli. Yene yakoline wa mununko usuma uwa wila uno wapelwa kuli Leza, impolelwa ino yapokelelwa na Leza nupya iya kumuzanzya.

Kolose 1:10

Lyene mulaya na maka akwikala ndi vino Mwene akalonda nga lyonsi mulacita vintu vino vikazanzya Mwene. Mu umi winu mulacita visuma, nupya namwe mulakula mukumanyikisya Mwene.

Kolose 3:20

Mwe ana, namwe umulimo winu kuyela akwasi inu lyonsi, pano cii cikazanzya Leza.

Ayebulai 13:21

Leza wino akapeela mutende amupeele visuma vyonsi vino vikalondekwa pakuti mucite kulonda kwakwe. Nkupepa kuti muli Yesu Klistu, wene acite munotuli vyonsi vino vingamuzanzya. Lulumbi lupelwe kuli Klistu manda pe! Ameni.

1 Petulo 3:13

Ndi mukulondesya kucita cisuma, uzye aweni angacita viipe kunomuli?

1 Yoane 3:22

Wene akatupeela cili consi cino tukalenga, pano tukayela masunde yakwe nu kucita vintu vino vikamuzanzya.