Mapinda 15:8 - Amazwi Yakwe Leza 2013

⁸ Yawe wapata uwila wa muntu mwipe, lelo ipepo lya antu asuma likamuzanzya.

Mapinda 15:8 ပူးပေါင်းရင်းမြစ်များ

2 Samueli 15:12

Pa nsita ino wapeelanga impolelwa, Abusalomu atuma akuya ama Aitofeli uwaku musumba wa Gilo, wenga muli yampandamano ya Mwene Davidi. Fwandi avili vino amapange akupangila isi nu kumusangukila yaile yakukulila kweneko. Alino iumba ilya kulondela Abusalomu nalyo kwene lyayanga likukulila kweneko.

1 Yamwene 3:10

Awe cico naco icizanzya Yawe pakuzana ukuti Solomoni walenga icintu cii.

1 Milandu 29:17

We leza wane, imanyile ukuti wemo ukaezya umwenzo wa muntu ali wensi, nu kuti ukazangila mu muntu akacita ivisuma. Ndakai nailolela ni nsansa kuno antu yako yakupeela kunuli mu kuitemelwa.

Masamu 141:2

Ipepo lyane likwele kunuli wa ubani, nu kutumpula kwa makasa yane, kuye wa mpolelwa ya manguzi.

Masamu 17:1

We Yawe, uvwa ukulenga kwane ukufumaluke, kutika uku kuilizyanya kwane. Sumba amano uku kupapata kwane kuno ku kufuma uku kanwa ka cumi.

Mapinda 10:24

Antu akacita vyaololoke yakakwata vino yakulonda, lelo antu aipe yalakwata ivikayaletela intete wakwe cimwi.

Mapinda 15:29

Umwenzo wa muntu mulungami ukaelenganya ukucita ivisuma. Akanwa ka ntalanganyi kene kakalanda ivyaukakasi.

Mapinda 15:7

Imilomo ya muntu wa mano ikasansanta ukumanya, lelo umwenzo waciwelewele wene usicita vivyo.

Mapinda 21:27

Yawe wapata impolelwa ya antu aipe, makamaka ndi yaipelela apamulandu umwi uwipe.

Mapinda 21:3

Ukucita ivisuma ni vya ulungi kukasansamusya Yawe, ukuluta ukupeela impolelwa kunoli.

Mapinda 28:9

Ndi umwi akakana ukuvwa isunde, ni pepo lyakwe kwene lyapatwa.

Kasambilizya 5:1

Mwatekela pakuya ku Ng'anda ikulu yakwe Leza. Cazipa ukuya ku Ng'anda ikulu yakwe Leza ku kusambilila kuluta ukupeela impolelwa wakwe vino antu atumpe yakacita, yano yatamanya uyi wao uno yakacita.

Lwimbo lwakwe Solomoni 2:14

Wemo uli wa nkunda ino ikafisama mu macele yamawe, mu ncende zyakufisamamo mu myamba, sindangizya usyu wako, sileka nuvwe izwi lyako, pano izwi lyako ilisuma, nupya usyu wako wazipa.

Ezaya 61:8

Yawe wavwanga wati, “Nemo natemwa ulungami, lelo nasoka wakwe cimwi uwivi nu lufyengo. Nemo namalambula ningo sana antu yane nupya namapangana nayo upangano wa pee.

Ezaya 66:3

Yamwi yakatuula cipambasi wa mpolelwa, yamwi yakakoma nu muntu yatuula wa mpolelwa, yatuula umwana wa mfwele wa kunyonga simbwa insingo, pakumukoma pakoca impolelwa, yamwi nayo yakatuula usu nanti uwazi wakwe kapoli, yamwi yakaocela ubani wa ciusizyo nanti ukupolelela utuluwi. Ala antu yaa pasi pakutemwa imipepele yao iipisye.

Yelemiya 6:20

Uzye mwati nemo nkasakamala kweneko ubani ukufuma ku Syeba nanti ivisali ukufuma ku mpanga zya kutali? Ala nemo ntange mpokelele impolelwa inu yakoca nanti ivya mawila inu ali yonsi a viteekwa ntayakasi, foo.

Danieli 9:23

Lilya kwene lino watandike ukupepa, Leza wakwaswike. Wene wakutemwa, nga acino natiniza ukukunena uwasuko. Acino ndakai usumbeko amano lino nkukulondolwela icilolwa.

Aina Levi 7:18

Muntu ndi walya inyama ya mpolelwa yacuvwano pa wanda uwalenga yatatu, impolelwa iyo itangapokelelwa kuli Leza. Lelo impolelwa iyo ili nu kuya iyasilesile, iyaula muzano. Ili nu kuya impolelwa ikowele. Lyene umuntu wino walya impolelwa pa wanda uwalenga yatatu wene ali nu mulandu nupya alavunukwa.

Mika 6:6

Uzye namatwalila Yawe cani, lilyo lino nkuya ku kukupepa Leza Wapapela? Uzye namamutwalila ana ya ng'ombe amwaka onga kuti nkamutuulile amawila akoca?

Mika 6:7

Uzye Yawe alazangila muli yasuuku amazimbi, nu mu nguzi izisikama zya mafuta ya miolivi? Uzye ningapela iyeli lyane kuti nkululwe uku maifyo yane? Uzye umwana wane angaya impolelwa yakulipila apa maifyo yane?

Hagai 2:14

Lyene Hagai avwanga ati, “Vino Yawe akuvwanga aivi: Icili cimwi na antu kwene yaa, nupya icili cimwi nu mutundu kwene onsi uu apa manso yane. Ivicitwa vyao vyonsi kumwi ni mpolelwa zyao zyonsi izikowele nupya izya mifitalila ku mulola wane.

Malaki 1:10

“Si cangecizipe wenga uwamuno muli ayale ivisasa vya mu Ng'anda ikulu yakwe Leza, kuti muposiwe ukupemba umoto wasilesile apa kavuwa kane! Nemo ntakuzangila muno muli, nupya ntalapokelela uwila uli onsi ukufuma kuno muli.

Yoane 4:24

Leza u Mupasi, na yano akamupepa, yalinzile kumupepela mu Mupasi nu mu cumi.”