Mapinda 15:4 - Amazwi Yakwe Leza 2013

⁴ Amazwi amutembo yali wa muti uno ukapeela umi, lelo amazwi aukali yakacisa umwenzo.

Mapinda 15:4 ပူးပေါင်းရင်းမြစ်များ

Masamu 109:22

Nene mulanda nupya umupuzi. Umwenzo wane umukasi watiuciswa.

Mapinda 10:11

Amazwi ya muntu akacita vyaololoke akafukoka ka umi, lelo amazwi ya muntu mwipe yakafisa ulwete.

Mapinda 12:18

Akacincila ukuvwanga, ivivwangwa vyakwe vikatota wa mupeni. Lelo amazwi ya muntu wa mano yali wa mulembo ku antu avule.

Mapinda 15:3

Amanso yakwe Yawe yaya mpanga yonsi, yakalola aipe nga na asuma kwene.

Mapinda 15:5

Iciwelewele cikasuula ukusunda kwakwe isi, lelo wiyo akafukila ukukalipilwa ali wino wacenjela.

Mapinda 16:24

Amazwi ya mutembo yakoline wi lela lya uci, nupya yalyompa umu kanwa, yazipila nu mwili.

Mapinda 18:14

Umulwale akulondesya umu mwenzo wakwe ukupola zuwa, nu mwenzo wakwe ukamupelesya amaka akulwisya ulwale wakwe. Lelo umulwale ndi cakuti watovoka awe lyene ala casila, catala nu kutala.

Mapinda 18:8

Amazwi ya ukwakwa yanunkila wakwe cimwi, yakamilika lwakasi, umunda ya muntu.

Mapinda 26:22

Amazwi ya muntu uwa lwambo yakolana wa vilyo vilyompe, apakwingila umunda zuwazuwa umuntu aumila namankutu.

Mapinda 3:18

Amano yakoline wa muti uno ukapeela umi kuli yao akayazengela, yao akalemelela kweneko ali yano amano yakalenga ukuti yaikala ningo.

Malaki 4:2

Lelo mwemo mwe muno mukanjela, amaka yane akutuula yaliza pano muli wa kutunka kwi lanzi, nu kuleta ukupoziwa kwa micalalazi yi lanzi. “Namwe mulacena wa twana twa ng'ombe tuno yayulila kuti tufume mu citata.

1 Timoti 6:3

Wino wensi akasambilizya usambilizyo uiyele uno utasuntinkine na mazwi acumi a Mwene witu Yesu Klistu nga nu usambilizyo uwamu mipepele itu,

Umbwilo 2:7

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya ndayapeela nsambu yakulya vizao vya ku muti uno ukapeela umi, uwaya ku Paladaise yakwe Leza mwiyulu.”