Mapinda 15:3 - Amazwi Yakwe Leza 2013

³ Amanso yakwe Yawe yaya mpanga yonsi, yakalola aipe nga na asuma kwene.

Mapinda 15:3 ပူးပေါင်းရင်းမြစ်များ

2 Milandu 16:9

Yawe Leza wako akalola pa nsi yonsi pyu, nu kupeela akapeela amaka akucimvya kuli yayo yano imyenzo yao ikamufukilila. Kwene paa pene wacita ivintu upuwaupuwa. Ali cino fwandi, ukutandika sile ilelo umalwanga inkondo.”

Yobo 24:23

Limwi nalyo Leza akaleka antu kwene yayo aipe, yaikalile ku matwi cele, ala ukuya kwene amanso yakwe, asumvile sana kunoyali nu kupeketa imipitile yao yonsi.

Yobo 28:24

Pano wene wamanya na kuno impanga yonsi yapelela. Wene akapeketa vyonsi ivyaya pano nsi, apisika liyulu.

Yobo 31:4

Uzye Leza asilola imiyele yane yonsi, nu kumanya wamanya ningo imipitile yane yonsi.

Masamu 33:13

Yawe wa mwiyulu akatamba, nu kulola ana ya antu yonsi.

Mapinda 15:4

Amazwi amutembo yali wa muti uno ukapeela umi, lelo amazwi aukali yakacisa umwenzo.

Mapinda 5:21

Yawe akaceceta imipitile ya muntu cila nsita, ni nzila zyakwe akazilolekesyapo zyonsi pyu.

Yelemiya 16:17

Amanso yane yakaceceta vyonsi vino yakacita. Kusi nanti conga cino cafisama kunondi. Amaifyo yao yatange yutuke ku mulola wane.

Yelemiya 23:24

Uzye umuntu angafisama mu kafyototi inkane kumulola? Uzye mutamanyile vino nemo naya sile ponsi, umwiyulu na muno nsi kwene?” Ivyalanda Yawe.

Yelemiya 32:19

Kunuli wakula wakwe cimwi mu vicitwa vyako. Ala wewe musambazi mu vicitwa vyako vyonsi.

Zakaliya 4:10

Umu cumi, antu yasikusansamuka pakulola vino Zelubabeli akwangalila umulimo wa kunkuulila Ng'anda yane ikulu.” Umungeli wanenyile ati, “Inyali ali manso cinimbali yakwe Yawe yano akalolelako insi yonsi.”

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.