Mapinda 15:2 - Amazwi Yakwe Leza 2013

² Amazwi ya antu ya mano yakapa amano, lelo pa kanwa ka ciwelewele pakafomfomola uwelewele.

Mapinda 15:2 ပူးပေါင်းရင်းမြစ်များ

Masamu 45:1

Nemo ninkwata amazwi yamwi asuma, a lwimbo luno natinsika ulwa kulumbanya kateeka. Izwi lyane limatololokanga kwati akalembelo kakwe kalemba uwi lembo ilisuma.

Masamu 59:7

Kutika uuvwe vino yakuwata! Indimi umu tunwa twao zyakalipa wa malupanga. Yene yakuti sile, “Ale, nga amatuvwa aweni?”

Mapinda 12:23

Umuntu mucenjele akafisa amano yakwe, lelo iviwelewele vyene vikalanga uwelewele wakwevyo apaswe.

Mapinda 13:16

Uwamano akacita vyonsi umu kucenjela, lelo iciwelewele cikalangizya uwelewele wakweco apaswe.

Mapinda 15:23

Ukwasuka ningo kukasansamusya umuntu, nu kulanda amazwi asuma kwazipa.

Mapinda 15:28

Yawe akafuntuka uku antu aipe, lelo akauvwa ukulenga kwa asuma.

Mapinda 15:7

Imilomo ya muntu wa mano ikasansanta ukumanya, lelo umwenzo waciwelewele wene usicita vivyo.

Mapinda 16:23

Umwenzo wa muntu uwa mano ukamulenga ukucenjela umu mivwangile yakwe, nupya ukaazwa na kanwa kakwe ukusambilizya.

Mapinda 5:2

pakuti uwaelenganya ningo na mano, alino napa kanwa kako uwavwanga ivya mano.

Kasambilizya 10:14

Iciwelewele cisita kuvwanga. Kusi umuntu nanti wenga uwamanya ivili nu kucitika ku nsita yaku nkolelo. Nupya kutaya angatunena ivili nu kucitika pacisila ca mfwa itu.

Kasambilizya 5:3

Umuntu ndi wakwata amasakamiko avule, ala ni viloto kwene amakwata ivivule. Nupya ndi wavwangikisya, angavwanga ni vintu vyaulamo amano.

Ezaya 50:4

Yawe Simwandalali wampile ululimi lwa kumanya vyakulanda, apakuti ningakomelezya yayo atovoke. Cila katondo akanzyula, nu kuleka amatwi yane yatezye, wa muntu akusambilila.