Mapinda 14:2 - Amazwi Yakwe Leza 2013

² Yayo akapita umu ulungami yakazangila Yawe, lelo atumpe yene yakamusosya nu kumuzewanya.

Mapinda 14:2 ပူးပေါင်းရင်းမြစ်များ

2 Samueli 12:9

Uzye pacani cino wasuuzile amasunde yakwe Yawe pa kucita ulukota wakwe luu pa manso yakwe? Walesile kuti Uliya umwina Hiti afwe umu nkondo pa kuleka aina Amoni yamukome nga utola nu muci kuti aye uwako!

1 Yamwene 3:6

Solomoni aasuka ati, “We Yawe wakwatile tata nupya umuomvi wako Davidi uluse ulukulu, pamulandu wakuti wene wacitanga ivisuma pa manso yako nupya kacita wa vyawololoke nupya uwacisinka. Nupya watutwalilila ukumulanga uluse lwako ulukulu nu kumupeela umwana umonsi kuti aikale pa cilimba cakwe ica wene apilelo.

2 Yamwene 17:34

Ukufika na ndakai kwene yatasazya, yacili yakatwalilila ukulondela imisango yao iyampiti. Yasipepa Yawe foo, nanti ukulondela iceo cakwe Yawe cino wayapile ukupitila mu ana yakwe Yakobo, wino watemile izina lyakwe Izlaeli.

Yobo 1:1

Mu mpanga ya Uzi mwikalanga umuntu umwi wino izina lyakwe wali a Yobo. Umuntu wi wali uwaula umulandu nupya akacita ivisuma. Umuntu wi woopanga Leza nu kuleuka inkota.

Yobo 12:4

Na yacuza yane kwene yakunseka. Nanti angala napapasile kuli Leza nga nawe angasuka, nene wakaele, uwaula umulandu ku muntu, lelo yakanseka.

Yobo 28:28

Fwandi lyene ali vino wanenyile nu muntunze ukuti, ukuya ni coopo kuli Leza ali kukwata amano, nu kufuntuka uku kucita iviipe, ali kwiluka.”

Masamu 112:1

Lumbanyini Yawe! Wasyuka wiyo akacindika Yawe, wiyo uwatemwisya amasunde yakwe.

Masamu 25:21

Si angala usuma na ucumi wane vile vincingilile, pano nemo nasintilila munuli.

Mapinda 11:12

Kasonsomba wa yauze waula amano, lelo umuntu mutekele akawaka kanwa kakwe.

Mapinda 16:17

Inzila ya antu asuma, ikafuntuka uku uyi, nu muntu uwalola kuno akuya, ala wasunga umi wakwe.

Mapinda 16:6

Uluse ni cumi vikalipila apa maifyo. Ukoopa Yawe kukafuntusya uku uyi.

Mapinda 19:1

Umulanda uwa miyele isuma, wazipa ukuluta iciwelewele ca ndimi zili.

Mapinda 2:15

Inzila zyao izya ucenjezi, zino umuntu nanti umwi atange ataile foo.

Mapinda 28:6

Umulanda uwa miyele isuma wene waluta umukama uwa miyele iipe.

Kasambilizya 12:13

Fwandi vyonsi vyativyuvwika. Izwi lyakumalilila umulandu aili: uwaoopa Leza nu kuyela amasunde yakwe, pano acino antunze yaumbilwe.

Luka 10:16

Yesu anena alondezi yakwe makumi cinimbali na yaili ati, “Wino akamuvwila, akauvwila nene. Lelo wino uwamukana, ala wakana nene. Caleka wino uwankana, ala wakana uwantuma.”

Luka 16:14

Lyene Afaliseo lino yuvwa vii yasoweka Yesu, pano yatemilwe vyuma.

Milimo 10:22

Yaasuka yati, “Konelio musika wa vita watatutuma. Wene umuntu musuma wino akaoopa Leza, nga na Ayuda yamucindika cuze. Mungeli wa Mwene wamunenyile kuti akwame ku ng'anda yakwe, pakuti akuvwe cino waya vwanga.”

Milimo 10:35

Wino wensi akamoopa nu kucita vyawololoke, wene akazengelwa nawe nanti angala uwamu mutundu uze.

Milimo 9:31

Lyene iuvi lyamu Yudeya monsi, Galile, na Samaliya liya nu mutende, likomeleka nu kukulilako kupitila mu maka ya Mupasi Wamuzilo, pano lyali ni coopo ku Mwene.