Mapinda 13:4 - Amazwi Yakwe Leza 2013

⁴ Umuntu umukasu akakumbwa ivya yauze ukwaula ukuvilola, lelo umuntu akaombesya wene akalonka.

Mapinda 13:4 ပူးပေါင်းရင်းမြစ်များ

Utandiko 26:32

Uwanda kwene ulya aomvi yakwe Isaki iza kunoli yamunena vyapa cifula cino yimbanga yati, “Twatituzana amanzi.”

Masamu 92:14

Ino ikaseeka iviseekwa nalino yatikota kwene, nu kuya sile ileleme nupya iyamaka.

Mapinda 10:4

Iminwe ya ukasu ikatwala umuntu ku upina, lelo amakasa yakanzuke yakalonsya umuntu.

Mapinda 11:25

Umuntu wa mwenzo wa luse wene alaya nu longo, na akaazwa auze nawe kwene ali nu kwazwiliziwa.

Mapinda 12:11

Wiyo akaomba umu calo cakwe nu muzonda akazana ivyakulya ivingi, lelo muselela kukaye wene atakwata amano.

Mapinda 12:24

Umuntu wino akaombesya alateeka auze, lelo akasu yene lyonsi kwene yalaya azya ya yauze.

Mapinda 12:27

Umuntu mukasu asizana vino akulonda, lelo uwa muzonda wene akalya akali konsi kano umwenzo wakwe ungalonda nu kukazana.

Mapinda 13:3

Yayo akazilizya utunwa twao yakaisungila uumi, lelo yacuma maingwe yene yakayonona aeneco.

Mapinda 13:5

Uwatemwa Leza wapata ufi, lelo ivicitwa vyakwe kaifya ivyawinyi ni nsonyi.

Mapinda 20:4

Umukasu asyalima apa nsita isuma. Acino apa insita ya uzombozi, ndi wene waya umu calo, pasi cino angazana.

Mapinda 21:25

Ulunkumbwa lukakoma umukasu, pano iminwe yakwe ikakana ukuomba imilimo.

Mapinda 21:5

Amapange ya muntu wino watekela yakamuletela umuzano, lelo yayo akazakantika mu kuomba kwao, yasikwata ivivule.

Mapinda 24:30

Nemo natazile impita umu vyalo vya vilimwa vya matingi, ivya muntu umwi atakweti amano.

Mapinda 24:31

Monsi sile nazanyile mwamela imyunga, na sensele ale wakula wakwe cimwi. Ni cimpinda ca mawe ala cawa mpiti.

Mapinda 26:13

Umukasu akavwanga ati, “Cisama awiyo umu nzila! Mu museo muli cisama mwe!”

Mapinda 28:25

Umuntu uwalwiswa akakatusya ulwete. Wiyo akataila muli Yawe alaya nu longo.

Mapinda 6:6

Yanga uku kanyelele mukasu we, ulole imiyele ino kakwata, ukope amano kunokali.

Mapinda 8:34

Walongo umuntu akanguvwa, wiyo akaikala manda pe pa mulyango wa ng'anda yane, wiyo akalolela apa wingililo wane.

Lwimbo lwakwe Solomoni 5:3

Nemo ninzula ivizwalo, uzye nzwale nupya? Nimfulala ingazo zyane, pacani cino ningazifisya nupya?

Ezaya 58:11

Lyene nene ndamutungulula lyonsi sile, nu kumwimula ivintu visuma. Ndaamukomelezya nu kumusunga ningo, mulaya wa calo cino yakakontelela usaka. Mulaya wa kafukoka ka manzi yano yasiipwa.

Mpendwa 23:10

Aina Izlaeli yavulisya wa lukungu, Yene yavulisya cuze cakuti yatanga pendwa. Si leka impela yane iye wa mpela yakwe wenga uwamu antu yakwe Leza. Si leka imfwe mu mutende wakwe vino yayo akacita ivyawololoke yakafwa.”

Yoane 6:27

Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Ayebulai 6:11

Kulondesya kwitu kukulu ukwakuti cila muntu munomuli alinzile atwalilile kucita visuma kufika nu ku mpelelekezyo, kuti vino mukapaalila vikafikiliziwe.

Yoswa 7:3

Lino yawela kuli Yoswa, iyamunena yati, “Nanti tutaile swensi kweneko cisi nu mulandu. Tuma sile antu amazimbi yaili nanti yatatu akuti yakapoke impanga ilya. Utatuma ivita vyonsi pasi pano aikazi amu Ai yatavula.”