Mapinda 13:22 - Amazwi Yakwe Leza 2013

²² Umuntu uwa mano akasiila ana icaupyanyi, lelo icuma ca muntu mwipe cikasungilwa yayo akacita ivyaololoke.

Mapinda 13:22 ပူးပေါင်းရင်းမြစ်များ

Ezila 9:12

Yene yatunena ukuti tutalinzile ukutwalana nayo nanti kuyazwilizya umu nzila ili yonsi. Ndi cakuti tukulonda kuilyokezya ivisuma vyamu mpanga nu kusiilako ivizikulula vitu kuti viye vyaupyanyi vya manda pe, tutaezya kucita cipangano cakwandana ucuza nayo.

Masamu 102:28

Ana itu swe yaomvi yako yalasyukila apa kwikalililila ulongo, ni vizikulula vyao awewe ulavisunga pee.

Masamu 112:2

Ana ya muntu wiyo yalaya na maka muno nsi, nu luko lwakwe lulaya ulupolelelwe.

Masamu 128:6

Yaa nu umi utantalile kuti uce ukalole vizikulula vyako. Mutende uye kunuli we Izlaeli.

Masamu 37:25

Nali umwance, awe ninsuka ninkota, kwaula kuti ndole kuno umusuma watala watazyelwa, nanti sile kuno ana yakwe yakupula cakulya.

Mapinda 17:6

Icilongwe ca yakote, ana ya ana yao. Ucindami wa ana, aisi.

Mapinda 28:8

Wiyo akasandulula ivyuma vyakwe umu kuomvya ulufyengo, ulwakulila auze mu vintu vino walonka, alavilonkela umuntu muze, nawe akavipeele nu ku alanda.

Kasambilizya 2:26

Leza akapeela amano, ukumanya nga ni nsansa ku antu akamuzanzya. Lelo akalenga kuti yakaifya yaombe nu kulonka icuma pakuti yangapeela icuma cao ku antu akazanzya Leza. Ala cii icasilesile. Cili wa kuzinganya umuza.