Mapinda 13:20 - Amazwi Yakwe Leza 2013

²⁰ Akapita nu wa mano nawe kwene alakwata amano, lelo ndi mwapita na akapweeka, ala nawe kwene ulapweeka.

Mapinda 13:20 ပူးပေါင်းရင်းမြစ်များ

Utandiko 14:12

Yasenda Loti umwana wa mwina wakwe Abulamu uwikalanga mu Sodoma pamwi na vyonsi vino wakweti.

1 Yamwene 12:10

Alumendo yano wakuzile pamwi nayo ali pakumwasuka yati, “Ukayaasuke ukuti, ‘Akantengezya akakwane katimba ukucila umusana wakwe tata.’

1 Yamwene 12:8

Lelo Leoboamu asuula umpandamano uno aikolo yalya yamupile nga aya auzya alumendo yamwi yano wakulanga nayo nupya amutumikilanga.

1 Yamwene 22:32

Fwandi lino yamusika akalamba yayo lino yalola umwene Yeosafati, yonsi yatandika ukwelenganya ukuti ali mwene wa ina Izlaeli. Fwandi yonsi ali kuno yatwala amano, ku kumulwisya. Nga lyene lino Yeosafati wapunda kuti yamutuule,

1 Yamwene 22:4

Alino Aabu auzya Yeosafati ati, “Uzye utalansukilila ku kulwisya musumba wa Lamoti Gileadi?” Yeosafati aasuka umwene waku Izlaeli ati, “Wemo ndi cakuti watuiteyanya, ale nani kwene ndaiteyanya, pamwi ni vita vyane vyonsi, ukwika penepo na vivi ivikapita pa mfwalasi.”

2 Milandu 10:8

Ku cisyamo umwene Leoboamu asuula amano ya ikolo. Aya auzya alumendo yauze yano yakuzile pamwi na aliwe ayano yamupanda amano.

2 Milandu 19:2

Kasema Yeu umwana wakwe Hanani nawe ala watafumila apanzi ku kumukomenkanya. Lino yakomenkana, nga kasema Yeu auzya umwene ati, “Uzye icisuma ukwazwilizya anisi yakwe Yawe? Apamulandu uu, umukosi wakwe Yawe uli nu kukuponela.

2 Milandu 22:4

Wene wifyanga pa manso yakwe Yawe, ndi vino akazi kakwe Aabu yacitanga, pano lino isi wafwile, akazi kakwe kwene amupanzile amano pa milimo yakwe iipe.

Masamu 119:63

Nene cuza wakwe yayo yonsi akakoopa, yayo yonsi akayela amasunde yako.

Mapinda 13:19

Cino umuntu akalondesya ndi wacizana, cikazanzya umwenzo. Lelo ukuta iviipe kwaya kwati icintu ca winyi uku ciwelewele.

Mapinda 14:7

Utaezya ukupalama uku ciwelewele, pano utanga zanako amano yampomvu.

Mapinda 15:31

Ikutwi ilikauvwa uku mazwi akusunda yano yakapeela uumi, likasyukila icifulo umukasi kakwe yao amano.

Mapinda 22:24

Utandana icuza na antu acipyu, utapita na antu aakasoka zuwa.

Mapinda 22:25

Pano limwi ungambula imisango yao, nu kukowezya umi wako.

Mapinda 7:27

Ing'anda yakwe ili inzila yakuyila ku mbiko, iyatentemukila uku misolo ya mfwa.

Mapinda 9:6

Tini ukuya imbutuma, nga muye nu uumi, mwapita umu nzila zya kwiluka.”

Malaki 3:16

Lyene yayo akaoopa Yawe yatandika ukulanzyanya, nga Yawe auvwa kunoyali nu kutezya vino yalandanga. Ulupapulo lwa ciusizyo ilulembwa pa manso yakwe, ulukalanda pali yayo akaoopa Yawe nu kucindika izina lyakwe.

Milimo 2:42

Mu nsita zingi antu yakonkowizye kusambilila ku atumwa, nu kutoola imbali mu utandano nga nu mukumokoola umukate wa wina nga nu mu mapepo.

Ayebulai 10:24

Lekini twasakamala nu kwazwana nu kutemwa kucita visuma.

Umbwilo 18:4

Nupya nuvwa izwi nalyuze kufuma mwiyulu likuti, “Fuminimo, mwe antu yane! Fuminimo munoli! Mutalinzile kukumako ku maifyo yakwe. Mutalinzile kukumako ku kuvunukwa kwakwe.