Mapinda 13:18 - Amazwi Yakwe Leza 2013

¹⁸ Upina wene waya ukuzewana kuli yayo akatalamila malango, lelo umuntu wino akafuukila amasunde akacindamikwa.

Mapinda 13:18 ပူးပေါင်းရင်းမြစ်များ

Masamu 141:5

Umulungame nga wanguma cilaya ica luse. Vyonsi ndi cakuti wankalipila, cilaya wa kumpaka amafuta pa mutwe. Umutwe wane utalakana foo. Amanda yonsi, nemo nkalwisya wakwe yakaifya umu kupepa kwane.

Mapinda 12:1

Umuntu uwatemwa malango wene akalondesya ukumanya ivintu vya mano, lelo uwapata ukusundwa wene watumpa

Mapinda 13:13

Yayo akasuula ukusundwa yakailetelela, lelo akawaka malango yakapoka icilambu.

Mapinda 13:19

Cino umuntu akalondesya ndi wacizana, cikazanzya umwenzo. Lelo ukuta iviipe kwaya kwati icintu ca winyi uku ciwelewele.

Mapinda 13:25

Umuntu musuma asiulilwa ivyakulya ivikumanile, lelo umunda ya muntu mwipe mukayenza cee uku nzala.

Mapinda 15:5

Iciwelewele cikasuula ukusunda kwakwe isi, lelo wiyo akafukila ukukalipilwa ali wino wacenjela.

Mapinda 19:6

Umuntu mukankala, antu aingi yakamulyombeka, nupya umuntu kapekape acuza wakwe yonsi.

Mapinda 25:12

Umuntu wamano ndi wanenola umuntu, uiteyanye ukuvwa, pano amasizo yakwe yaluta amaelena yakwe zaabu, nanti iciyembelo cakwe zaabu musuma sana.

Mapinda 9:9

Vyonsi vino ungasunda uwamano, ala ivyakumulundilapo amano. Sambilizya umuntu akacita vyaololoke, nga nawe amalundapo ukumanya.

Kasambilizya 7:5

Cazipa kutezya ku muntu wamano wino akukunenola, kuluta ukuuvwa ku viwelewele ivikwimba inyimbo zyakulumbanya.

Yelemiya 3:25

Katuletulambalale sile pansi pamulandu ni nsonyi. Ukuzewana kwitu kakule kutucitepo cimwi. Swemo kumwi ni vikolwe vitu twaifya kuli Yawe, ukutandikila sile uku wance witu, ukwizafika nu wanda wilelo. Twakana nu kuvwa ukwi zwi lyakwe Yawe, Leza witu.”

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?