Mapinda 13:16 - Amazwi Yakwe Leza 2013

¹⁶ Uwamano akacita vyonsi umu kucenjela, lelo iciwelewele cikalangizya uwelewele wakweco apaswe.

Mapinda 13:16 ပူးပေါင်းရင်းမြစ်များ

Masamu 112:5

Wasyuka umuntu wiyo uwaya nu mwenzo wa kukopesya auze, wiyo atakwata ucenjezi muli vyonsi vino akacita.

Mapinda 14:33

Amano yakaikala mu mwenzo ucenjele. Lelo iviwelewele vitamanya cimwi ica mano.

Mapinda 15:2

Amazwi ya antu ya mano yakapa amano, lelo pa kanwa ka ciwelewele pakafomfomola uwelewele.

Mapinda 18:2

Iciwelewele cisilonda ukwelenganya, suka sile ukuzaila ivili umu mwenzo wakweco.

Mapinda 21:24

Umuntu akaitutumula, uwa mitumfyo, ni zina lyakwe a “Moopo.” Ivicitwa vyakwe ivya cilumba icikalamba.

Kasambilizya 10:13

Iciwelewele cikatandikila na mazwi akuzaila, nu kumalila na mazwi aucipena.

Kasambilizya 10:3

Uwelewele wakweco ukamanyika nu ku mwenyi wino cakomenkana nawe umu nzila. Cene cikalenga kuti umuntu wensi acimanye ukuti iciwelewele.

Ezaya 52:13

Yawe wavwanga wati, “Umuomvi wane alacula muli vino alaomba. Alaya umukulu nu kucindikwa wakwe cimwi.

Mateo 10:16

“Lolini namutuma wa mfwele pakasi ka mimbulu. Caleka mucenjele wa nzoka lelo mufuke wa nkunda.

Loma 16:19

Antu yonsi yuvwa vino mwaya acumi kwi Landwe Lisuma nga pamulandu kwene uu, nemo ndi nu luzango pali mwemwe. Nkulonda muye a mano pali cino icili cisuma, lelo muye akaele mutakumako ku viipe.

1 Kolinto 14:20

Mwe inane, mute kwelenganya wa ance. Mu viipe muye akaele wa tunya. Lelo mukwelenganya muye wa antu aikolo.

Efeso 5:17

Caleka mutaya viwelewele, lelo mwaezya kumanya vintu vino Umwene akulonda kuti mwacita.

1 Samueli 25:17

Acino fwandi elenganya sile ningo, ulole cino ungacita penepo, pamulandu wakuti uzanzo wasya uponele umusambazi witu pamwi na ang'anda yakwe. Nabali wene uwalwiswa nupya asipindululwa cakuti citangazipa ukulandana nawe!”

1 Samueli 25:25

Mukwai napapata, ala we musambazi utasumba amano kuli Nabali, umuntu wilya uwa lukang'ansi. Wene iciwelewele ndi muno izina lyakwe lyalola. Ni micitile yakwe iya uwelewele! Lelo nemo ne muomvi wako, we musambazi, ntalimbweni antu yano wali watuma.