Mapinda 10:27 - Amazwi Yakwe Leza 2013

²⁷ Ukoopa Yawe kukalundulula uumi, lelo amanda ya antu aipe yakaipimpala.

Mapinda 10:27 ပူးပေါင်းရင်းမြစ်များ

Mapinda 9:11

Pano nene, ne mano nkakuvuzizya amanda, nu kulundapo imyaka ya umi wako.

Mapinda 3:2

Pano vilalenga kuti umi wako utantalile muno nsi nga ulaya nu longo.

Masamu 91:16

Nemo namatantalizyanga na manda yao akwikala muno nsi nu kuyapususya.”

Kasambilizya 7:17

Utayesya umwipe, nupya utayesya iciwelewele. Uzye pacani cino ungafwila lino insita yako yakufwa itali ifike?

Masamu 21:4

Wene walenzile uumi, nga nawe wamupeela. Wemo watantalizya na manda yakwe umuyayaya.

Mapinda 3:16

Amano yakalenga ukuti umuntu alengele pano nsi, yakalenga nu kuti aye umukama, nga nu kumucindamika.

Masamu 55:23

Yakazwisya ya wazi na yayo aundyondyo apa lulimi, yene we Leza ulayasumbila umu ciwina icizike, icaula impela, lino yatacili yafike pakasi ka manda yao akwikala pano nsi. Lelo kwene nemo panondi pano, namatailanga muli wewe.

Luka 12:20

Lelo Leza amunena ati, ‘We ciwelewele we! Usiku kwene uu umi wako nkuulonda. Uzye lyene aweni alatola vintu vyonsi vino waisungila?’”

Yelemiya 17:11

Umuntu wino akalonka icuma mu ucenjezi wakolana ni nkwale ikaulola amayayi yano itatiile. Pakasi na nkasi ka umi wakwe ali nu kuponzya vyuma vyakwe, na pakusyalikizya pasi vino alaya, lelo alasyala iciwila.

Malango 11:9

Na pakuti muce mwikale amanda avule mu mpanga ino Yawe walavile ukupeela ivikolwe vinu na amu mupanda wao, impanga iya uzombozi ukulu cuze nupya iivunde.

Mapinda 14:27

Ukoopa Yawe ili ntendekelo ya umi, ino ikalenga ukupambata iviteyo vya mfwa.

Mapinda 28:18

Wiyo uwakaele alapusuka, lelo wiyo akatelengana pakasi ka nzila zili, alaponela pansi muli yonga.

Masamu 92:15

Yene ilalanga ukuti Yawe wakwata ulungi. Wene lili cele lyane nupya munoli mutaya ui.