Mapinda 10:25 - Amazwi Yakwe Leza 2013

²⁵ Icipuupu cikakatuka, nga na antu aipe yakaululwa, lelo yayo akacita vyaololoke yene yakaikalilila umuyayaya.

Mapinda 10:25 ပူးပေါင်းရင်းမြစ်များ

Yobo 17:9

Antu akailola kwati alio yakacita vyaololoke, yene caluta! Lyene yaya akailola kwati akayele, nayo kwene yatiyacila sile mwenemo.

Yobo 20:8

Akauluka sile wa ciloto, icisimanyikwa na muno cali cilozile. Akaongoloka wa vilolwa vya usiku, ivisiloleka nalyuze.

Yobo 21:18

Amaila yanga yano mwalola umuntu mwipe akuuluka wa cipelele umu muza, nanti kuno akuuluka wakwe cungu muli nkungulupya?

Masamu 125:1

Yayo ataila Yawe yaya wa mwamba wa Zioni, uo usi wakutensya, uno wikalilila pee.

Masamu 15:5

Wiyo asilonda ukukwilila umu mpiya zino wakongwesya. Wiyo asipokelela amafukakanwa pakuti yafyenge uwakaele. Muntu wino akacita ivintu vii, pasi icintu nanti conga icingamuponya.

Masamu 58:10

Asuma yene yalatemwa wakwe cimwi apa kulola kuno aipe yakupeziwa. Yene yalafula ingazo zyao umu wazi wakwe yakaifya.

Masamu 58:9

Leka yaputulwe wa cipupa apa nsita yino yatenekile, ciye yacili aisi nanti ayume. Leka sile aipe yululwe, yapyelwe lino yacili apuma.

Mapinda 1:27

Iino intete zilamwizila wa cipupu ni syamo wakwe nkungulupya, na lino amacuzi na masakamiko viliza kuno muli.

Mapinda 10:30

Umuntu wino akacita vyaololoke atangafumiziwa pa cifulo cakwe, lelo umuntu mwipe wene atalikalisya pano nsi.

Mapinda 12:3

Umuntu asiulwa kuteletenta apakucita iifyo, lelo umufula wakwe yakacita ya vyaololoke wazyansya ndi.

Mapinda 12:7

Antu ya myenzo iipe yakafumiziwapo nu kwililika, lelo ang'anda yakwe yano akauvwila Leza yene yatalasansantika.

Ezaya 40:24

Akula sile cino yaciyakomela, lino yacilemwa sile, lino yatacili yatambe ni misisi, alino Yawe akatusya ni cipunga, nga nkungulupya ayululula wakwe cungu,

Mateo 16:18

Petulo nakunena vino wewe lwala, na pa lwala luu apano ndakuula iuvi lyane, nga nanti maka ya mfwa yatalalicimvya.

Efeso 2:20

Mwemo mukoline wa cikulwa cino mufula wakweco atumwa na yakasema, nga Klistu nawe ali iwe lya pitungi.

1 Timoti 6:19

Mu musango uu amuno yene yalaitulikila cuma cino cilaya wa mufula ukome uwa manda akwiza, kuti lyene yakapelwe umi wape uwa cumi.

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”