Mapinda 10:19 - Amazwi Yakwe Leza 2013

¹⁹ Ukuvuzya kwa mazwi, musiulwa ukuluvyanya, lelo umuntu wensi akasunda kalomo wene uwamano.

Mapinda 10:19 ပူးပေါင်းရင်းမြစ်များ

Yobo 11:2

“Uzye umuntu uwavwangikisya wene yatange yamwasuke? Uzye ukuvwangikisya tungati ali kulungika?

Masamu 39:1

Navwanzile inti, “Namatekanyanga umu mipitile yane, apakuti akanwa kane katalanda iviipe. Namalemanga pa kanwa kane insita yonsi, lino antu aipe yali umupipi nani.”

Mapinda 11:12

Kasonsomba wa yauze waula amano, lelo umuntu mutekele akawaka kanwa kakwe.

Mapinda 11:13

Wino akaamba auze atakwata inkama, lelo wiyo akasunga inkama waya umutailwe lyonsi.

Mapinda 12:23

Umuntu mucenjele akafisa amano yakwe, lelo iviwelewele vyene vikalanga uwelewele wakwevyo apaswe.

Mapinda 18:21

Imfwa nu umi vyaya umu maka ya lulimi. Umuntu wino akaluomvya ningo alalya vino lwene lulamukwilila.

Kasambilizya 5:1

Mwatekela pakuya ku Ng'anda ikulu yakwe Leza. Cazipa ukuya ku Ng'anda ikulu yakwe Leza ku kusambilila kuluta ukupeela impolelwa wakwe vino antu atumpe yakacita, yano yatamanya uyi wao uno yakacita.

Kasambilizya 5:2

Mwatala mwelenganya lino mutali muvwange, nupya mutazakantika lino mukulaya kuli Leza. Leza wene waya umwiyulu. Lelo mwemo mwaya umu nsi. Acino mutalanda ivingi ukuluta pali vino mungacita.

Kasambilizya 5:3

Umuntu ndi wakwata amasakamiko avule, ala ni viloto kwene amakwata ivivule. Nupya ndi wavwangikisya, angavwanga ni vintu vyaulamo amano.

Yakobo 1:19

Mwe inane yakundwe, iusyini cii! Muntu wensi alinzile kuuvwa zuwa, lelo atekele kulanda nu kusoka.

Yakobo 3:2

Lili lingi swensi kwene tukaluvyanya. Lelo ndi cakuti muntu umwi asyaluvyanya mu mazwi yano akalanda, ala umuntu wiyo umufumaluke nupya wene ali na maka akukanya mwili wakwe onsi.