Mapinda 10:18 - Amazwi Yakwe Leza 2013

¹⁸ Umuntu akafisa ulupato lwakwe uwantumpu, lelo uwa lwambo wene iciwelewele.

Mapinda 10:18 ပူးပေါင်းရင်းမြစ်များ

2 Samueli 3:27

Lino Abineli wafika umu Hebuloni, Yoabu amusenda pa mbali lwapa mpongolo, kwati akulonda ukulanda nawe umu nkama. Kuku kwene akuno amutota umu lunda. Avino Abineli yamukomile pamulandu wakuti wene wakomile Asaeli umwina wakwe Yoabu.

Masamu 101:5

Umuntu akaamba umuze umu umfisolo nemo ndamuvunuka. Wemo ukalolekesya ni misuuli umuntu uwavilumba, nemo nsilonda ukwikala pamwi na aliwe nanti panono.

Masamu 12:2

Yonsi yakatumpwilana. Yakalyongofya apa tunwa twao, nupya yaya ni ndimi ziili.

Masamu 15:3

Awiyo wino ululimi lwakwe lusitumpoka, wiyo asicita iviipe uku muze nanti ukuletela umuze umuzewanya.

Masamu 5:9

Ivikavwanga anisi yane visi vyakutaila foo. Yene yakalonda sile ukonona ivintu. Imvwango zyao izyakulyongofya, lelo zyazulamo amazwi yausomvi.

Masamu 50:20

Mwikalila sile ukusombezya anyonko nu kulondelezya utumilandu utwakuyazewanya.

Masamu 55:21

Amazwi yakwe, yali sile asuma, lelo umu mwenzo wakwe mwene ulupato sile ali luno lwali mwenemo. Amazwi yakwe yuvwikanga atambalale fwandi mbali yali anyoleke wa lupanga.

Kufuma 23:1

“Utasansanta impwelo zyaufi, nupya utazwilizya muntu wa mulandu pa kumuvwangila umboni waufi.

Yelemiya 6:28

Yonsi pyu acisanguka atalame wakwe cimwi, nupya yakapitana sile nu kukwakwanya. Yakoma imyenzo wa mukuwa ni cela. Yonsi pyu yakacita iviipe.

Yelemiya 9:4

“Umuntu wensi alinzile wasopa cuza wakwe, nga kusi nu wakutaila umwina. Pano cila mwina umucenjezi ku muze ndi vino Yakobo wali. Nga cila wenga akaamba umuze.

Aina Levi 19:16

Utapitanapitana ku na ku kukusalanganya ufi pakasi ka mutundu wako. Utacita icintu icili consi cino cingaleta uzanzo ku umi wa mwinipamba wako. Nene Yawe.

1 Samueli 18:29

nalyo kwene Saulo alusya ukoopa Davidi, nga watwalilile ukuya umwanisi wakwe amanda yonsi ya umi wakwe.