Mapinda 1:6 - Amazwi Yakwe Leza 2013

⁶ apakuti yangiluka upiliulo uwafisama umu mapinda, ni ntazi zino antu yamano yakafisa uku auze.

Mapinda 1:6 ပူးပေါင်းရင်းမြစ်များ

Masamu 49:4

Nemo nkuma sile umulumbe, nu kuulwila umwi zeze.

Masamu 78:2

Nemo namamunena kuno ivyampiti vyalola, nu kumulondolwela intazi ino vyakwata,

Mapinda 24:23

Ivyalondelela penepo, imvwango zino zyafuma uku antu ya malango. Ukuya nu muncizyanya apa kuputula imilandu kutazipa foo.

Kasambilizya 12:11

Imvwango zya antu yamano zyaya wa ntuwa zisongozye zyakwe yakacema ya mfwele zino yakaomvya pakutungulula amaufyo yao. Imvwango zyao zyaya wa nsunga zino yapampamila. Imvwango zizyo zyafuma kuli Leza, kacema witu swensi pakuti wene atutungulula swe antu.

Danieli 8:23

“Lino impela ya mawene yalya ilapalama nga na mawene yalya yipisya cakuti yalinzile kuvunukwa, alino lyene kulaya umwene umutalame, umwipe nupya umusomvi.

Mpendwa 12:8

Tukalanda sika, na manso ntontonto. Tukalanda apaswe nupya musi mu tucole foo. Wene akalola ni cata cakwe Yawe. Uzye fwandi pacani cino mutakwatile intete zya kuilizyanya pa muomvi wane Mose?”

Mako 4:11

Yesu nawe ayanena ati, “Mwemo mwapelwa amano ya kumanya nkama zya Wene wakwe Leza. Lelo yano asyala yene yakauvwila mu milumbe,

Mako 4:34

Atayasambilizyanga cimwi kwaula kuomvya milumbe, lelo ndi wikala pamwi na alondezi yakwe ataomvyanga milumbe, lelo walondololanga vyonsi kunoyali.

Ayebulai 5:14

Mukulanda kuze tumati vyakulya vikome ivya antu aikolo, yano asambiliziwa ningo kupalula visuma ni viipe.

2 Petulo 3:16

Vii avino akulanda mu makalata yakwe yonsi lino walemba pa vintu vii. Mu makalata yakwe mwaya vintu vimwi vitale kuvwa vino antu atutu nupya atatekela yakapililika. Vikwene avino yakapililika ni vyamu malembelo yauze.