Mapinda 1:23 - Amazwi Yakwe Leza 2013

²³ Sumbiniko amano kuli vino namamukonkomezya, namamwitulwila ivyaya muli tompwe wane, nu kumumanyisya vino naya nu kumunena.

Mapinda 1:23 ပူးပေါင်းရင်းမြစ်များ

Masamu 145:1

Namalandanga ukulu wako, we Yawe Leza wane, nupya ndalumbanya ni zina lyako amanda yonsi.

Mapinda 1:25

Mwasuula sile navino namupanzile amano, musisakamala vino nkumunenola.

Mapinda 1:30

Mwakanyile ukupandwa amano kunondi, mwakanyile nu kukonkomeziwa kwane.

Mapinda 10:17

Umuntu akauvwila wiyo akumusunda akapita umu nzila ya umi, lelo wiyo akakana ukulungikwa wene akaponzya auze.

Mapinda 12:1

Umuntu uwatemwa malango wene akalondesya ukumanya ivintu vya mano, lelo uwapata ukusundwa wene watumpa

Mapinda 29:1

Umuntu uumalala umwenzo nanti yangezya uku mukalipila, ilovyo lilamupumikizya, nupya atalapusuka.

Mapinda 6:23

Pano amasunde yali wa lukozyo, nu usambilizyo uli wa luswepo. Pano ukukalipilwa nu ufuke ili nzila ya umi.

Ezaya 32:15

Lelo Leza alatutumila Mupasi wakwe, ukufuma kwiyulu, alino amalwanga yalasanguka avunde, cakuti nu mu vyalo mulafuma ivyakulya vya mpomvu.

Ezaya 45:8

“Ndatuma ucimvyo ukufuma kwiyulu wa mvula. Umusili ulalepuka apa kuupokelela, apakuti mufumemo ufyusi wa antu uwa uwaololoke. Nene ne Yawe ndaleka cii cicitike.”

Yelemiya 3:14

“Si welulukini, mwe antu aula utailo mwe, pano nene indi Yawe Leza winu. Umu misumba inu yonsi, onga onga ndatolamo umuntu wenga. Nu mu nko zinu kwene namo ndatola yaili nu kuleta mwemwe uku Zioni.

Ezekelo 33:11

Yanene ukuti kasili nalapa ne Yawe umumi, ala nemo cisinzanzya apakulola kuno umuntu umwipe akufwa. Nemo natemwa ukulola kuno umuntu mwipe wazenzuka, apakuti aikala uwa umi. Caleka mwemo mwe ina Izlaeli tiini imisango inu iipe, muitelele. Kuno icani cino mungalondela ukufwa?

Oseya 14:1

Mwe ina Izlaeli welini kuli Yawe, Leza winu, pano mwemo mwapona apamulandu wa maifyo inu.

Yowelo 2:27

Mulamanya ukuti nene nenga indi namwe mwe ina Izlaeli, nu kuti nene indi Yawe Leza winu. Antu yane yatalazewana nupya, awe.”

Yowelo 2:28

“Apacisila ca nsita imwi, uwanda wakwe Yawe ulafika, lino ndapongolwela Mupasi wane pa antu onsi, Ana inu aonsi na anaci yalasema, na ikolo yalalota viloto, na ana inu alumendo yalalola vilolwa.

Yowelo 3:1

Yawe avwanga ati, “Mu manda yalya nu mu nsita kwene ilya, lino ndawezezya aikazi aku Yuda ulongo nga na aku Yelusalemu,

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Luka 11:13

Mwe yaipe mwamanya kupeela vintu visuma ku yana yinu. Uzye So uwa mwiyulu atalalusya kupeela Mupasi Wamuzilo kuli yao akamulenga?”

Yoane 7:39

Lino Yesu wavwanzile cii, wavwanzile pamulandu na Mupasi Wamuzilo wino yano amutaila yalapokelela. Pa nsita ilya walanga Mupasi Wamuzilo atali kuti apelwe, pano ala Yesu atali atumpulwe nu kupelwa ululumbi.

Milimo 26:20

Kutandikila mu Damasiko nu kwiza mu Yelusalemu nga nu mu mpanga yonsi ya Yudeya nga ni ya Akulukuwa, nakosozile ukuti yalinzile kuzenzuka yataile muli Leza, nu kucita ivintu ivyakulanga ukuti yati yazenzuka.

Milimo 3:19

Caleka zenzukini, nu kuswilila kuli Leza pakuti nawe amwelele maifyo inu,