Mapinda 1:19 - Amazwi Yakwe Leza 2013

¹⁹ Ilaya ali mpela yakwe yayo akalondelela ivyuma vyalufyengo, ivikaponzya umi wakwe yayo akavikwata.

Mapinda 1:19 ပူးပေါင်းရင်းမြစ်များ

Yobo 31:39

Intatala nalya ivyakulya vya mwenemo, ukwaula ukuti ntale ndipile aomvi yane, avilimile. Nu kuinong'onya aomvi yane yatatala iyainong'onya, awe.

Masamu 7:16

Ali cino fwandi uyi wakwe umweneco ali uno ukamulya. Ukuzekemwa kwakwe, ali kuno kukamuletelela.

Mapinda 1:20

Uvwa kuno! Amano yakupunda umu miseo. Yakwangula umu misolo.

Mapinda 15:27

Umuntu wino akakumbwa ivyuma vya lufyengo akaletelela sile ing'anda yakwe, lelo wino wapata amafukakanwa alakwata uumi.

Mapinda 29:24

Wino akapita nu mwivi, wiyo kwene ali mwanisi wakwe, Wene alavunukwa ndi cakuti wapeela umboni wacumi mu cilye, nga Leza alamutipa ndi cakuti wakana ukucita cico.

Kasambilizya 5:13

Kwaya icintu cimwi iciipisye cino nemo nalola mu nsi ii, icakuti umuntu asunga impiya zyakwe zyakuomvya pa nsita ino wene angazilonda.

Habakuku 2:9

“Kalanda ku antu yano yakalonkela umu kwiila auze pakuti alio yacingilile uwikalo wao, nu kuleuka uzanzo nu ucuzi pa mili yao.

1 Timoti 3:3

Wene atalinzile kuya mukolesi nanti walwete. Lelo alinzile kuya mufuke nupya asilemanizya antu. Wene atalinzile kutemwa impiya.

Yoswa 7:21

Pali vino twasamfile naweni ikoti ilisuma sana ilyaku Babiloni, na siluva angalingana impiya zya masyekele amakilogalamu yaili, ni ciulungwa cakwe zaabu icinyome ukucizya pali citika wakwe kilogalamu. Nakumvilwe ivintu vii nu kuvitola. Vyonsi vii mumavizana umwi taalu lyane amuno navifisa, kumwi na siluva umwisika lyaviko.”

Yoswa 7:25

Yoswa auzya ati, “Uzye pacani cino watuletela intazi ii? Ilelo Yawe amakuletela intazi.” Alino aina Izlaeli yonsi iyamutama na mawe mpaka afwa, iyatama na amu ng'anda yakwe kwene nga iyayoca kumwi na vyonsi vino yali navyo.

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.