Malango 8:19 - Amazwi Yakwe Leza 2013

¹⁹ Mutakezye ukwilila Yawe Leza winu nanti ukusenukila kuli tuleza tuze ku kutupepa nu kututumikila. Ndi mwaca mwacita cico, lyene ilelo nkumusoka ukuti cumi kwene mulononwa.

Malango 8:19 ပူးပေါင်းရင်းမြစ်များ

Yelemiya 25:6

Mwemo yamunena ukukana pepa tuluwi tuleza tuze nanti sile ukutuombela alino nu kukana katusizya Yawe icipyu, pamulandu ni vicitwa vinu, ali pakukana iletelela.

Yelemiya 7:6

ndi cakuti mwata ukuzunya ainamasi, ana asyale nanti yamukamfwilwa nu kuta ukukoma antu akaele mu ncende ii, ndi cakuti mwata ukulondela tuleza tuze,

Danieli 9:2

ne Danieli napitulwike mu Malembelo yamuzilo ukulingana na mazwi yano Mwene wanenyile kasema, nga niluka ukuti Yelusalemu alaya wa citalang'anda apa myaka amakumi cinimbali.

Amosi 3:2

“Nemo namusolwile mwemwe mwenga mpo pakasi ka mitundu yonsi iya pano nsi. Lyene ndamuvunuka apamulandu wa maifyo inu yonsi.”

Zefaniya 1:18

Siluva wao wensi na zaabu wao wensi, vilaposiwa ukuyapususyako pa wanda uno Yawe alayafokela ukali ukali. Icipyu cakwe cino cilalunkuma wa moto, cilonona insi yonsi, pasi pano mukupumikizya wene alalovya antunze yonsi aikala pano nsi.

Zefaniya 3:6

Yawe akuti, “Natinonona antu amu nko zyonsi, nga nu kuwisya amalinga yao yonsi ankondo. Ni miseo yao naitazyela, kusi umuntu nanti wenga akapita mwenemo. Imisumba yao yononwa, nupya kusi umuntu nanti wenga asile mwenemo.

Malaki 4:4

“Iusyini ivya usambilizyo wa muomvi wane Mose, amasunde na malamulo yano namupiile pa mwamba wa Holebu kuti aina Izlaeli yonsi yayela.

Luka 13:3

Namunena nati, awe. Lelo ndi mutangazenzuka, mwensi kwene mulalowa wakwe vino yalovile.

Luka 13:5

Namunena nati, awe. Lelo ndi mutangazenzuka, mwensi kwene mulalowa wakwe vino yalovile.”

Malango 11:16

“Muce mutekele pano limwi mungaca musombwe pakuti mumfutatile nga mukaapepa nu kutumikila tuleza tuze.

Malango 31:20

Lino ndaingizya mu mpanga ii ivunde nupya iyauzombozi cuze, impanga ino nalavile nu mulapo ukuipela ku vikolwe vyao, na lino yalalya nu kwikuta nu kwina, yalasenukila kuli tuleza tuze nu kutupepa. Nemo yalankana nu konona upangano wane.

Malango 4:26

Nemo naama amu mayulu na apano pansi ukuya yakambone akumusinila ilelo ukuti, ndi mwakana ukuyela nene, ale lyene mulalowa zuwazuwa pa mpanga ilya. Mutalalengela ukwikala mu mpanga ilya iya ku mbalama ya Luzi lwa Yodani, ino mwasya mupoke nu kwikala mwenemo. Mulononwa pyu.

Yoswa 23:13

lyene mumanye nu kusininkizya ukuti Yawe Leza winu alata ukuzinga antu amu nko zi pa manso inu. Lelo yene yalaya wa viteyo ni nkose kunomuli. Nupya yalaya akalipe wakwe swepu pa matundu inu nanti wa myunga mu manso inu. Vii vyonsi vilamucitikila mpaka mukalowe pyu umu mpanga kwene ii isuma, ino Yawe Leza winu watamupeela.

1 Samueli 12:25

Lelo ndi cakuti mwatwalilila ukucita inkota, ale lyene mulononwa, mwemwe kumwi nu mwene winu kwene.”