Malango 8:15 - Amazwi Yakwe Leza 2013

¹⁵ Wene wamutungulwile mu lwanga lulu luwatuke muno mwali inzoka zya usungu na makalela ausungu. Wene wamupeezile amanzi ukufuma mwi we likome cuze mu mpanga ilya iyumalale nupya iyaula amanzi.

Malango 8:15 ပူးပေါင်းရင်းမြစ်များ

Masamu 105:41

Walepwile iciliwe na manzi yafuma mwenemo, yakonkolokela nu mu lwanga wa luzi.

Masamu 114:8

Wene wasangwile iciliwe ukuya wa cilambe ca manzi na mawe akome ndi ukuya tufukoka twa manzi.

Masamu 136:16

Watungulwile antu yakwe umu matololo, pano luse lwakwe ulwa pe na pee.

Ezaya 30:6

Amazwi asowilwe pamulandu ni nyama zyamu Negebu, aeya akuti, “Inkombe zikapitana umu mpanga umwavula ivilyanyi, muno mwaya yacisama, umwaya ivizoka iviipisye, nga alino ni vinjelengwe vyuze ivikapapuka. Inkombe zizyo zikasenda pali yapunda napa ngamila, ivintu ivya wila ivya mutengo ivya kutwalila umutundu wa antu uno ukaposiwa nu kuyazwilizya kweneko.”

Ezaya 35:7

Umucanga ulya ukaye ulasanguka yemba. Mulazula nu tufukoka. Uwikalo wakwe yankusa ulasanguka amasanga ya matete ni mpunga.

Ezaya 43:19

Mwike sile amano pa vintu ivipya vino namacita, nu kutandika vyativitandika ukucitika. Uzye mwemo musyakuvilola? Nemo namapanza umuseo mu lwanga, nga namamupeela inguzi mu mpanga iyumalale.

Yelemiya 2:6

Yene yatatazile yelenganya yati, ‘Uzye Yawe ali kwi, wiyo uwatufumizye ku Eguputo nu kututungulula mu lwanga, impanga ya mapoli ni visengafwafwa, impanga iyumalale iya kanda, mumo muno mutatala mwapita mwenemo umulawa, nanti ukwikalamo umuntu?’

Oseya 13:5

Namusunzile mu mpanga iyumalale, umu lwanga mu cipuki.

Mpendwa 20:11

Alino Mose azunzula ikasa lyakwe, auma na pa ciliwe ni ntuwa amaila yaili. Awe amanzi iyatandika nu kufuma nyanya sile. Ni iuvi lyonsi ilimwa kumwi ni viteekwa vyao.

Mpendwa 21:6

Lyene Yawe nawe atuma inzoka izya usungu uwipisye pakasi kao. Nazyo iziyalumola cakuti aina Izlaeli afwile yali aingi.

1 Kolinto 10:4

nga nu kumwa cakumwa cili cimwi ca umupasi, cino yamwanga kufuma mu mulunda wa umupasi uno wapitanga nayo. Nu mulunda uo wali a Klistu umwisikulu.

Malango 1:19

“Lyene wakwe vino Yawe watupeezile ilamulo kuti tucite, twafumile pa Mwamba wa Holebu nga tusalala ulwanga lulu lukulu ulwakofya itulungama ku mpanga ya myamba iya ina Amoli. Alino tufika ku Kadesyi Banea.

Malango 32:13

“Wene walesile yateeke impanga zya myamba, alino nu kuilyokezya ivyakulya vyamu vyalo vyao. Ali muno yapandanga uci mu mawe, ni miti yao iya miolivi nayo isapalala mu musili wa mawe.