Malango 7:7 - Amazwi Yakwe Leza 2013

⁷ “Yawe atamutemilwe nu kumusolola pamulandu wakuti mwavulisye ukuluta antu yauze asyala. Mwemo mwali uluko lucepesye ku wingi pa antu yonsi pano nsi.

Malango 7:7 ပူးပေါင်းရင်းမြစ်များ

1 Milandu 16:19

Antu yakwe Leza alanga yatali yavule, nupya yali aenyi mu mpanga ilya ya Kenani.

Masamu 105:12

Antu yakwe Leza yali ampendwa inono, nupya yali aenyi umu mpanga ilya ya Kenani.

Masamu 105:6

mwe amu mupanda wakwe Yakobo, mwe yasololwe yakwe, iusini ivizungusyo vyakwe ni vinjelengwe nga nu upinguzi uno wapile.

Masamu 115:1

Awewe sile wenga, we Yawe, ala awewe wenga sile. Wewe sile ulinzile ukucindikwa, asi sweswe foo. Wewe sile ulinzile ukucindikwa apa luse lwako ulwa pee na paufuma cumi wako.

Masamu 44:3

Visi vyanzo vyao foo, kuno yacimvizye impanga. Nanti asi uku vyanzo vyao foo, kuno yapokile impanga. Lelo uku maka yako nu ku kukalala kwako sile. Pano lyonsi sile wayanga nayo, nu kuyatemwa wayatemilwe.

Ezaya 51:2

Mwelenganye apa cikolwe cinu Abulaamu, na Sala kuno mwatuntuka. Lino naamile Abulamu, wene atakweti umwana, lelo namupuusile ulutembo nu kumupeela ikwata. Lyene nasandulula ni vizikulula vyakwe.

Ezaya 63:9

uku macuzi yao yonsi. Kusi inkombe imwi nanti umungeli ali wensi, uwatayapususya kweneko foo. Suka sile Yawe wenga ali wino wayapuswisye. Ukufuma nu ku mpiti ali wino wayapususyanga nu kuyasunga lyonsi.

Ezekelo 20:5

Yanene vino namalanda. Lino nasolwile aina Izlaeli, nemo nalavile ana yakwe Yakobo, indundapo nu kulapa. Nupya mu Eguputo nemo naisokolwile kunoyali nu kuyanena ukuti nene indi Yawe Leza winu.’

Ezekelo 36:22

“Fwandi lyene nena aina Izlaeli uti, Yawe Simwandalali akuti mwe ina Izlaeli ala asi pamulandu winu uno nacisile vii, lelo apamulandu sile wi zina lyane lino mwasawisye mu mitundu muno mwasalanganile.

Mateo 7:14

Lelo mpongolo yakwingilila ku umi iifyenkane. Nu museo wakuilamo wene watala kulondela, cakuti antu akauzana anono sile.

Luka 12:32

“Mutoopa, mwe ufyo unono wa mfwele, pano So camuzanzya kuti amupeele Uwene wakwe.

Loma 11:6

Lelo wene wayasolwile pa kuya ni cikuku kunoyali asi pamulandu wa milimo yao ino yaomba. Pano ndi cili pa milimo, ale lyene cikuku cakwe cile cisi cikuku ca cumi.

Loma 9:18

Caleka Leza akaya na mizu kuli wino akasi kuyela mizu, nga nu kukomya mwenzo wakwe wino akasi kukomya mwenzo.

Loma 9:21

Uzye nakamata asi ni nsambu zya pa mbulo iya kucita mukanya onga civiya conga cicindame nu mukanya uze civiya cuze cisaluke?

Malango 1:10

Yawe Leza winu uwalenga kuti muvule wa ntanda umwiyulu.

Malango 10:22

Ivikolwe vinu vino vyatentemukile ku Eguputo vyali sile antu amakumi cinimbali. Lelo ndakai Yawe Leza winu uwalenga kuti musande wa ntanda zya mwiyulu.

Malango 14:2

Mwemwe antu yakwe Yawe Leza winu, yano waisolwela umwisikulu pa mitundu yonsi iya pano nsi kuti muye antu yakwe kololo.

Malango 4:37

Pamulandu wakuti watemilwe ivikolwe vinu, wene wamusolwile, nga mu maka yakwe akulu amufumya mu mpanga ya Eguputo.

1 Yoane 3:1

Elenganyini vino Tata watutemwa! Kutemwa kwakwe ukukulu cuze cakuti swemo twaamwa ana yakwe. Nu mu cumi avino tuli. Uu uli mulandu uno amu nsi yatatumanya, pano yene yatamanya Leza.

1 Yoane 4:10

Kuu kuli kutemwa kwakuti asi sweswe twatemwa Leza, lelo pano wene uwatutemilwe nga atuma Mwana wakwe kuti aye impolelwa ya pa maifyo itu.