Malango 6:24 - Amazwi Yakwe Leza 2013

²⁴ Lyene alino Yawe Leza witu watupeezile ilamulo kuti twayela amasunde yaa yonsi nu kumucindika. Ndi twacita vii, ale lyene lyonsi kwene alawaka uluko lwitu nu kulupeela ulongo.

Malango 6:24 ပူးပေါင်းရင်းမြစ်များ

Masamu 41:2

Yawe akamucingilila nu kumusunga, akamulenga aye nu luzango muno nsi, asimusunkilizya nu mu minwe ya anisi yakwe foo.

Masamu 41:3

Umu kulwala Yawe akamwazwa, nu kumuletela umutende wa mpomvu.

Masamu 66:9

Aliwe akatusunga nu kutupisya ulumi, nu kuleka ingazo zitu ukukana syetuka.

Kufuma 20:20

Lelo Mose aasuka ati, “Mutuvwa intete. Leza wataiza sile kuti amwezye nu kulenga kuti mwamoopa, pakuti mutaifya.”

Mapinda 22:4

Ukuicefya nu koopa Yawe kukaleta ukama, ucindami nga nu umi.

Mapinda 9:12

Ndi cakuti wakwata amano, ale cimakuzipila. Ndi wewe wamitumfyo, ale wailetela sile intazi.

Ezaya 3:10

Antu akacita ivyaololoke yene cilayazipila. Yalailyokezya ivizao vya milimo yao.

Yelemiya 32:39

Ndayapeela umwenzo uze upya, ni mipitile yuze iipya apakuti yace yangopa, nga lyonsi cice cayazipila alio kwene na ana yao aalalondelela pacisila cao.

Mateo 6:33

Mu cifulo cakwe cii mutale mulonde Uwene wakwe Leza nga nu wololoke wakwe, nga nawe alamupeela vintu vii vyonsi.

Luka 10:28

Lyene Yesu ati, “Waasuka ningo. Avino wacita nga ulaya nu umi.”

Loma 10:5

Pamulandu wakuya aololoke pa manso yakwe Leza, Mose walemvile ati, “Muntu akayela Masunde wene alaya nu umi mu kuyela Masunde.”

Malango 4:1

Lyene Mose anena antu ati, “Mwayela amasunde yonsi yano nkumusunda ilelo, nga lyene mulapoka impanga nu kwikala mwenemo iyo ino Yawe, Leza wa vikolwe vinu, akupeela kunomuli.

Malango 4:4

lelo mwemuno mwali acumi kuli Yawe Leza winu mucili nu umi apilelo.

Malango 6:2

Lino muli nu umi, mwemwe pamwi na amu mupanda winu mulinzile ukucindika Yawe Leza winu nu kuyela amasunde yakwe yonsi yano nkumupeela, pakuti mwikale mu mpanga ilya amanda avule.

Malango 6:23

Yawe watufumizye mu Eguputo kuti atulete kuno nga atupeele impanga ii, wakwe vino walavile ivikolwe vitu ukuti ali nu kucita.

Malango 8:1

“Cenjelini muyele amasunde yonsi yano natimupeela ilelo, pakuti muye nu umi, musande mu mpendwa, nga mupoke nu kwikala mu mpanga ino Yawe walavile ivikolwe vinu.

Malango 8:3

Wene wamulesile imupita ni nzala, nga lyene amupeela mana kuti mulye, icakulya cino mwemwe ni vikolwe vinu mutatazile mulye. Wene wacisile cii kuti amusambilizye ukuti umuntu atangaya nu umi pa cakulya citupu, suka api zwi lyonsi ilikafuma pa mulomo wa Mwene.