Malango 6:13 - Amazwi Yakwe Leza 2013

¹³ “Mwaoopa Yawe Leza winu. Mwamupepa aliwe wenga sile nu kucita ivilayo umwi zina lyakwe mpo.

Malango 6:13 ပူးပေါင်းရင်းမြစ်များ

Utandiko 24:3

Nkulonda ulape mwi zina lyakwe Yawe, Leza uwa mwiyulu na pano nsi, ukuti utalalondela umwana wane mukazyana wakutwala ukufuma mu mpanga ya Kenani, mukwene muno nkwikala.

2 Yamwene 17:36

Muce mwauvwila sile ne Yawe, uwamufumizye mu Eguputo na maka akalamba nu ulamba. Kuli nene sile akuno mufwile ukufukama nu kupeela impolelwa.

Masamu 15:4

Awiyo wino akalolekesya umwipe ni misuula, lelo akacindika nu kutontela Leza. Wino ndi walapa asifutuka, nanti angailetelela umweneco.

Masamu 63:11

Lelo umwene umusambazi wa mpanga ino, wene alakuzangila we Leza. Na yao yonsi akalondela we Leza, yalasansamuka. Lelo utulomo twakwe yayo akatumpoka, twene yalatumatilizya.

Kufuma 20:7

“Utalumbula izina lyakwe Yawe Leza wako mu mwata wipe. Pano Nene, ne Yawe Leza wako, ndavunuka ali wensi akalumbula izina lyane mu mwata wipe.

Kufuma 23:25

Ndi mwampepa nene ne Yawe Leza winu indamupolelela. Ndalenga kuti muye ni vyakulya nga na manzi, nu kulenga kuti mutalwala.

Ezaya 45:23

Nkulapa nemwisikulu umwi zina lyane, akanwa kane kakavwanga amazwi ampomvu, yano yatangeyasenulwe, akuti, ‘Ikokola lyonsi lilamfukamila, na antu yonsi yalalapa umwi zina lyane.’

Ezaya 48:1

Uvwini kuno mwe ang'anda yakwe Yakobo, mwemuno mukaamilwa kwi zina lyakwe Izlaeli, mwe amu mupanda wakwe Yuda. Mwemuno mukalapa mwi zina lyakwe Yawe, nu kwama Leza wakwe Izlaeli ukwaula ufumacumi nu wololoke.

Ezaya 65:16

Umuntu wensi muno nsi wino alalenga intembo, nene kwene ne Yawe muntafutuka ndamumila ulutembo. Wiyo wensi alalapa, wene alalapa mwi zina lyakwe Leza Muntafutuka, ivinkunka vyonsi vyampiti vilapita nu kuviilila ndaviilila.”

Yelemiya 12:16

Antu yayo ndi cakuti yaca yapokelela upefi wa antu yane, nu kulapa yalapa umulapo yati, ‘Leza andye, yata nu kupepa Baali ndi vino yasambilizye antu yane ukulapa mwi zina lyakwe Baali, ale lyene nayo kwene yalaya pamwi na antu yane.

Yelemiya 4:2

Ndi cakuti mwalapa umu cumi, mu ufumaluke nu mu ulungami umwi zina lyane ne Leza waumi, ale lyene antu amu mitundu yonsi yasyala yalapolelelwa ukufuma kunondi. Nupya ukupitila munondi ali muno yalalumbanya izina lyane.”

Yelemiya 5:2

Nanti angala yene yakavwanga yati, ‘Tukapepa Yawe,’ yene yasicita vino yakalanda.

Yelemiya 5:7

Yawe auzya ati, “Uzye pacani cino ningelela amaifyo ya antu yane? Yene yamfutatila nupya yakapepa tuleza utusi twacumi. Nemo nimwile antu yane mpaka yikuta, lelo yene yacisile ulenzyo nu kwizya pamwi na yacizelele.

Aina Levi 19:12

Mutalapa ufi mwi zina lyane. Cico cikaleta muzewanya pi zina lyane. Nene Yawe Leza winu.

Mateo 4:10

Yesu amunena ati, “Senka pano Ciwa, pano calembwa mu malembelo cati, ‘Wapepa Mwene Leza wako, wene wenga sile awino uwatumikila.’ ”

Mateo 5:33

“Nupya muuvwa vino cavwanzilwe ku antu mpiti ukuti, ‘Mutalapa ufi, lelo mwafikilizya ku Mwene milapo inu.’

Luka 4:8

Yesu aasuka ati, “Calembwa mu malembelo cati, ‘Wapepa Mwene Leza wako, wene wenga sile awino watumikila.’”

Malango 10:12

“Mwe ina Izlaeli, uvwini vino Yawe Leza winu akalonda kuti mwacita. Oopini Yawe Leza winu, mwalondela nu mu ntampulo zyakwe zyonsi. Mwamutemwa nu kumutumikila ni myenzo inu yonsi nu umi winu onsi,

Malango 10:20

Mwaoopa Yawe Leza winu nu kumutumikila. Muye akutailwa kunoli nu kucita amalayo inu mwi zina lyakwe aliwe wenga sile.

Malango 13:4

Fwandi muce mwalondela Yawe Leza winu nu kumupeela umucinzi. Sungini amasunde yakwe nu kumuyela. Mwamuombela nu kuya akutailwa kunoli.

Malango 13:5

Lelo Kasema wiyo na kalota wa viloto alinzile akomwe, pamulandu wakuti wene akunena antu ukusangukila Yawe Leza winu, wino wamufumizye mu Eguputo, mumo muno mwali azya. Antu amusango uu ankota nupya yakwezyo ukumufumya ku kwikala umi uno Yawe wapeezile ilamulo ukuti avino mwaikala. Yene yalinzile yakomwa, pakuti musisye inkota ii pakasi kinu.

Malango 5:11

“‘Utalumbula izina lyakwe Yawe Leza wako mu mwata wipe. Pano Nene, Ne Yawe Leza wako, ndavunuka ali wensi akalumbula izina lyane mu mwata wipe.

Malango 5:29

Endi, si cizipe imyenzo yao avino iye iyakoopa nene nu kusunga amasunde yane yonsi insita zyonsi, pakuti vyonsi viyazipile kumwi na ana yao amanda pe!

Malango 6:2

Lino muli nu umi, mwemwe pamwi na amu mupanda winu mulinzile ukucindika Yawe Leza winu nu kuyela amasunde yakwe yonsi yano nkumupeela, pakuti mwikale mu mpanga ilya amanda avule.

Yoswa 2:12

Caleka, ndakai lapini kunondi mwi zina lyakwe Leza ukuti muli nu kulanga uluse ku ang'anda yane wakwe vino nemo namucitile. Mumpeele ni cimanyililo icakusininkizizya

Yoswa 23:7

Mutaezya ukusakana na antu amu nko zi zyonsi izyasyala pakasi kinu. Mutaezya ukulumbula amazina yakwe tuleza twao nanti ukuomvya amazina yatuko nu mulapo. Mutaezya kufukamila nanti kupepa tuleza tuto.

Yoswa 24:14

Lyene Yoswa atwalilila kuvwanga ati, “Fwandi lyene mulinzile koopa Yawe nu kumutumikila umucumi nu mukutailwa. Sumbini tuleza tuno ivikolwe vinu vyapepanga ku mbalama ya Luzi lwa Yodani nu mu Eguputo, nga mwatumikila Yawe.

1 Samueli 20:3

Lelo Davidi pali pakumunena nu mulapo ati, “So wamanya ningo sana ukuti wemo wantemwa, acili cino fwandi atangatemwa ukuti wewe we Yonatani umanye umulandu uo. Pasi pano ndi wamanya umwenzo wako ungakuwaya sana. Acili cino fwandi nkulapa kunuli umwi zina lyakwe Yawe uwa umi nupya lino wemo ucili nu umi, ukuti kwasyala panono sile kuti nemo imfwe.”

1 Samueli 7:3

Samueli anena aina Izlaeli ati, “Ndi cakuti mwawelela kuli Yawe ni myenzo inu yonsi, fwandi mulinzile ukusumba tuleza twa inamasi na maunkolanya yakwe tuleza twa inamasi na yakwe Asyitaloti. Muipelesye sile kuli Yawe wenga mpo, awino mwatumikila. Nawe alamutuula ku maka ya ina Filisti.”