Malango 5:9 - Amazwi Yakwe Leza 2013

⁹ Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Malango 5:9 ပူးပေါင်းရင်းမြစ်များ

2 Yamwene 17:35

Yawe wapangine nayo upangano nu kuyakomelezya ati, “Mutaezya ukupepa tuleza tuze, mutatufukamila nanti uku tutumikila nanti sile ukutupeela impolelwa.

Kufuma 34:14

“Mutapepa leza muze ali wensi, pano Yawe wino izina lyakwe a cauzuwa, a Leza wa uzuwa mucumi.

Kufuma 34:7

Ndatwalilila kutemwa kwane ku antu mazimbi amu mazimbi ku nkulo zyonsi nu kwelela ukakasi wao, uyi wao, na maifyo yao. Lelo ntalapanya yakaifya. Ndavunuka ana na izikulu pamulandu wa maifyo yakwe ya isi, kufika nu ku nkulo yakwe citatu na yakwe cini.”

Yelemiya 32:18

Ukayela antu amazimbi na mazimbi uluse, lelo ukalandula wakwe cimwi ku ana amufulo pa uyi wa vikolwe vyao. We Leza mukulu Wamaka, Yawe Wamaka yonsi ali zina lyako.

Mpendwa 14:18

‘Ne Yawe nsisoka zuwa, nga nakwatisya ukutemwa ni cumi. Nupya nkaelela antu amaifyo na ucisanguka wao. Lelo ntalapanya ana na izikulu pa maifyo yakwe ya isi ukufika nu ku nkulo yakwe citatu na cini.’

Malango 4:16

Pakuti cimuzipile mwemwe, musininkizye ukuti mutakezye ukwifya pa kuipangila akaluwi mu musango uli onsi, akakukolanya ku monsi nanti ku mwanaci,

Malango 4:24

pamulandu wakuti Yawe Leza winu akoline wa cimbilimbili ca moto. Wene asizumilizya kupepa tuleza tuze.

Malango 6:15

Ndi cakuti mwapepa tuleza tuze, ukali wakwe Yawe ulamukatukila umonone pyu, pamulandu wakuti Yawe Leza winu, wino ali pakasi kinu a Leza wino asilonda uwakucimvyanya nawe.

Malango 7:10

Lelo atalasitoka ku kuvunuka yao amupata.