Malango 5:31 - Amazwi Yakwe Leza 2013

³¹ Lelo wemo, Mose, wize usyale nani pakuti nkupeele amalamulo, ni vyeo nga na masunde yonsi yano ulinzile kusambilizya antu, pakuti yace yayayela mu mpanga ino nkuyapeela kuti iye iyakwao.’

Malango 5:31 ပူးပေါင်းရင်းမြစ်များ

2 Yamwene 17:37

Lyonsi muce mwalondela ivyeo vyane na masunde yane yano namulembile. Mutakalondele tuleza tuze.

Kufuma 24:12

Yawe anena Mose ati, “Iza kwela mwamba kunondi, lyene wize walolela kuno kwene. Ndakupeela vipampa vya mawe yaili pano pali amasunde akusambilizya antu.”

Kufuma 24:18

Mose aingila mwi kumbi, atwalilila kukwela mwamba mpaka afika papela. Mose aikala kuku kwene amanda amakumi yani, musanya nu usiku.

Ezekelo 20:11

Nayapile amasunde yane nu kuyasambilizya ivipope vyane, apakuti yonsi yano yakulondela ivintu vii, amuno yangalolela uumi.

Malaki 4:4

“Iusyini ivya usambilizyo wa muomvi wane Mose, amasunde na malamulo yano namupiile pa mwamba wa Holebu kuti aina Izlaeli yonsi yayela.

Galatiya 3:19

Uzye lyene Masunde yakwata mulimo cii? Masunde yapilwe pakuti yatulange vino tukaifya, lelo yali akuti yaomba kufika nu kukwiza kwa cizikulula cakwe Abulaamu wino ulayo wapilwe kunoli. Angeli ayano yalesile Masunde ku muntu uwali nu mulimo wakukundanya.

Malango 11:1

“Mwatemwa Yawe Leza winu nu kuyela amasunde yakwe na malamulo yakwe yonsi mu nsita zyonsi.

Malango 12:1

Nga nupya Mose wavwanzile ati, “Vii, ali vyeo na masunde yano mumalondelanga mu mpanga ino Yawe Leza wa vikolwe vinu watamupeela kuti ingaya iyakwinu pa manda yonsi yano muli apuma.

Malango 3:18

“Pa nsita ilya ali lino nayapile amalamulo ya, inti, ‘Yawe Leza witu watamupeela impanga ii yaku ufumondaka wa Luzi lwa Yodani kuti mupoke amuno mwaikala. Fwandi lyene leka asilika yonsi yaipangasye nga uyatume ku mbalama ya Luzi lwa Yodani yakolelele imitundu yuze ya ina Izlaeli, kuti yakayazwilizye ukupoka impanga nu kwikala mwenemo.

Malango 4:1

Lyene Mose anena antu ati, “Mwayela amasunde yonsi yano nkumusunda ilelo, nga lyene mulapoka impanga nu kwikala mwenemo iyo ino Yawe, Leza wa vikolwe vinu, akupeela kunomuli.

Malango 4:45

Yakwene ali malamulo, ni vyeo nga na masunde yano Mose wapeezile aina Izlaeli lino yafumile mu mpanga ya Eguputo,

Malango 4:5

“Anene namusambilizya amasunde yonsi, wakwe vino Yawe Leza wane wanenyile ukucita. Muce mwayayela mu mpanga ino mwasya musawange apakuipoka nu kwikala mwenemo.

Malango 5:1

Mose aama aina Izlaeli yonsi nga ayanena ati, “Mwe ina Izlaeli, si angala muvwe amasunde yonsi yano nemo namamupeela ilelo. Muyasambilile nu kuyayela.

Malango 5:30

Yanga, kayanene yaswilile ku mataalu yao.

Malango 6:1

“Yaa, ali masunde ni vyeo vino Yawe Leza winu wampeezile ilamulo kuti imusunde pakuti namwe muce mwayalondela mu mpanga ino mwasya mwingile nu kwikala mwenemo.