Malango 5:29 - Amazwi Yakwe Leza 2013

²⁹ Endi, si cizipe imyenzo yao avino iye iyakoopa nene nu kusunga amasunde yane yonsi insita zyonsi, pakuti vyonsi viyazipile kumwi na ana yao amanda pe!

Malango 5:29 ပူးပေါင်းရင်းမြစ်များ

1 Milandu 29:18

We Yawe, Leza wakwe Abulaamu, Isaki na Izlaeli, si ule walukwika umuzonda uu mu myenzo ya antu yako, nga yaye nu mwenzo wakukuyela mpaka umuyayaya.

Masamu 106:3

Yasyuka akasunga vino akapingula, akacita pe ivilungame!

Masamu 19:11

Ali muno ne muomvi wako inkapula amano nu kuyawaka. Umu kuyalondela ali muno ndapokelela ni cilambu icikalamba.

Masamu 19:12

Kusi umwi angailolela ukuluvyanya kwakwe. Fwandi ungala umfule uyi wane uno wafisama!

Masamu 78:7

pakuti yataila Leza, yatailila navino wacita, yace yatontela namasunde yakwe pee.

Masamu 81:16

Ningamwimula lyene uku usu wa ngano, Utonyoleke wakwe cimwi, nu kumwikusya uku uci uwamu mulunda.

Ezaya 3:10

Antu akacita ivyaololoke yene cilayazipila. Yalailyokezya ivizao vya milimo yao.

Ezaya 48:18

“Mwemo ndi cali cakuti mwasumbisya amano ku masunde yane, ulongo lwinu lungaya wa luzi ulukapita lyonsi sile. Nu kucimvya kwinu kungaya wa mayimbi akaipumola ku cituntu cakwe yemba.

Yelemiya 42:6

Ndi cakuti icakutuzipila nanti foo, tuluvwa izwi lyakwe Yawe Leza witu, wino twakutuma kweneko. Icakuti, apakuyela izwi lyakwe Yawe Leza witu tuce tukalole isyuko.”

Yelemiya 44:4

Ukuya kwene nemo namutumilanga lyonsi aomvi yane yakasema. Nayo yamulesyanga ukucita icintu cico ca winyi cino napata wakwe cimwi.

Mateo 23:37

“Mwe antu amu Yelusalemu, Yelusalemu! Mwakoma yakasema nu kutama na mawe inkombe zino Leza watuma kunomuli. Amaila yanga yano nalondanga kumufukatila, wakwe vino nyinankoko akafukatila ana mu maapa yakwe, lelo mutanzumilizya!

Luka 11:28

Lelo Yesu amunena ati, “Alongo ayao akauvwa mazwi yakwe Leza nu kuyayela.”

Luka 19:42

ati, “Owee! Ndi wamanyile ilelo ivikaleta umutende! Lelo vyene vyafiswa kunuli.

Yoane 15:14

Mwemwe yacuza yane ndi mukucita vintu vino namunena.

2 Kolinto 5:20

Twatumilwe kuya nkombe zyakwe Klistu, Leza umwisikulu akumupapata kuti mupange mutende pakasi kinu na aliwe.

2 Kolinto 6:1

Mu kuomba pamwi na Leza, lyene tukumupapata kuti mwapokelela cikuku cakwe Leza, mutaleka cikuku ciye caula mulimo.

Efeso 6:3

“Kuti vyonsi vikuzipile nga na manda yako yavule mu nsi.”

Malango 10:12

“Mwe ina Izlaeli, uvwini vino Yawe Leza winu akalonda kuti mwacita. Oopini Yawe Leza winu, mwalondela nu mu ntampulo zyakwe zyonsi. Mwamutemwa nu kumutumikila ni myenzo inu yonsi nu umi winu onsi,

Malango 10:20

Mwaoopa Yawe Leza winu nu kumutumikila. Muye akutailwa kunoli nu kucita amalayo inu mwi zina lyakwe aliwe wenga sile.

Malango 11:1

“Mwatemwa Yawe Leza winu nu kuyela amasunde yakwe na malamulo yakwe yonsi mu nsita zyonsi.

Malango 12:25

Ndi mutalalya uwazi, ale mwayela isunde lii, na Yawe alazanga, nga ni vintu vyonsi vilamuzipila mwemwe na amu mupanda winu.

Malango 12:28

Muce mwatekela nu kuyela amalamulo yonsi yano nkumupeela, nga ni vintu vyonsi vilamuzipila mwemwe na amu mupanda winu amanda pe, pamulandu wakuti mulacita icisuma icakuzanzya Yawe Leza winu.

Malango 19:13

Cisi cakwezya ukumuvwila uluse. Mulinzile mwaswefya Izlaeli ku kuya amulandu wa utazi wa katwe, pakuti ivintu vyonsi vikamuzipile.

Malango 22:7

Ungatola ana, lelo usininkizye ukuti nyina wa tunyi wapita, pakuti uce uye nu longo nu kwikala amanda avule.

Malango 4:10

ukuyanena ivya pa wanda uno mwemo mwimilile pa manso yakwe Yawe Leza winu apisika ya Mwamba wa Holebu, lino wene wavwanzile kunondi ati, ‘Konganika antu. Nkulonda kuti yuvwe vino namayanena, pakuti yasambilile ku nkwatila icoopo nu kuncindika mu manda yonsi yano yalikala mu mpanga na pakuti yasambilizye ana yao ukucita icili conga kwene.’

Malango 4:2

Mutakezye ukulunda penepo nanti ukufumya penepo cimwi pa malamulo yano natimupeela. Mwayela amalamulo yakwe Yawe Leza winu yano natimupeela.

Malango 4:40

Mwayela amasunde yakwe yano namupeela apilelo, nga ivintu vyonsi vilamuzipila mwemwe na amu mupanda winu. Mulatwalilila ukwikala mu mpanga ino Yawe Leza winu akumupeela kuti iye iyakwinu pee.”

Malango 5:16

“‘Cindika so na nyoko wakwe vino Yawe Leza wako wakupeela ilamulo kuti amanda ya umi wako yavule nu kuti vyonsi vikuzipile mu mpanga ino Yawe Leza wako akukupeela.

Malango 5:30

Yanga, kayanene yaswilile ku mataalu yao.

Malango 5:33

Mwayela amasunde yonsi yakwe Yawe Leza winu ndi vino wamupeezile ilamulo, pakuti muye nu umi nupya mukwate ulongo nga mwikale amanda avule mu mpanga ino mulapoka nu kwikala mwenemo.

Malango 6:17

Sininkizini ukuti mwayela amasunde yonsi yano wene wamupeela.

Malango 6:18

Mwacita sile ivilungame ni visuma vino Yawe akalonda, nga lyene ivintu vyonsi vilamuzipila. Lyene mulaya na maka akupoka impanga ino Yawe walavile ivikolwe vinu,

Malango 6:3

Uvwikisini, mwe ina Izlaeli, nu kuyela amasunde! Ndi caya vivyo mulalola ukuti ivintu vyonsi vimamuzipilanga, nupya mulasanduluka cuze nu kwikala mu mpanga iya uzombozi ukulu cuze nupya iivunde, ndi vino Yawe umwisikulu, Leza wa vikolwe vitu, walavile.

Malango 8:6

Acino lyene, mulinzile mwacita wakwe vino wapeezile ilamulo kunomuli, mule mukwikala viine na masunde yakwe nu kumucindika.

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?

Yakobo 1:25

Lelo wino wensi akaceceta ningo mu masunde afumaluke yano akalenga antu kuya antungwa, ndi watwalilila kusumba mano kunoyali kwaula kuvwa sile nu kwilila, lelo akacita vino yene yakulanda, muntu wiyo Leza alamupolelela muli vino akacita.

Umbwilo 22:14

Alongo ayao yano yakafula mingila yao nu kuiswefya, pakuti yaye ni nsambu ya kulya vizao kufuma ku muti uno ukapeela umi nga nu kwingila pa mpongolo zya musumba ukulu.

Luti 3:1

Uwanda umwi Naomi, nyinavyala Luti, amuuzya ati, “Uzye intange nkulondele ing'anda kuno ulasungwa ningo?